rKTs

e-texts navigator

Volume

Page

217a₁ sems can gcig kyang bla na med pa yang dag par rdzogs pa'i byang chub la bzhag na rab tu dga' ba yin/ stong gsum rin po ches bkang bas dga' ba ma yin gyi/ de bzhin gshegs pa mthong bas rab tu dga' ba yin te/ de ni gzhar yang dbang po nyams par mi 'gyur
217a₂ zhing dga' bar gyur nas byang chub kyi phyogs kyi chos rnams dga' zhing mgu ba'i spyod pa 'dis sgrub par byed pa ni thams cad mkhyen pa rtogs par nus so/ /byang chub sems dpa' mtha' yas mthong bas smras pa/ skyes bu dam pa dag gang gi tshe na byang chub sems dpa' chos thams
217a₃ cad mthong mod kyi/ bdag tu lta bar yang mi ltung / sangs rgyas kyi chos thams cad shes mod kyi/ rnam par rtog pa spyod pa yang ma yin/ sangs rgyas thams cad mthong mod kyi/ gzugs la dmigs pa'i 'du shes kyang mi skyed/ sems can thams cad mthong mod kyi sems
217a₄ can du 'du shes kyang mi skyed/ las kyi rnam par smin pa yongs su dag pa'i phyir sha'i mig gsal bar gyur pa yin/ mngon par shes pa thob pas lha'i mig dang ldan pa yin/ nyon mongs pa thams cad dang bral bas shes rab kyi mig rtogs par khong du chud pa yin/ sangs
217a₅ rgyas kyi chos ma 'dres pa sgrub pas sangs rgyas kyi spyan la mos pa yin/ stobs bcu yongs su rdzogs pas chos kyi spyan snang ba thob pa yin te/ rigs kyi bu de 'dra ba'i ye shes mthong ba yongs su rdzogs pas thams cad mkhyen pa rtogs par nus so/ /byang chub sems dpa'
217a₆ mtha' yas dmigs par gnas pas smras pa/ byang chub ni thams cad dmigs pa ste/ thams cad mkhyen pa'i ye shes sgrub par 'gyur ro/ /de ci'i phyir zhe na/ dmigs pa thams cad ni nang na yang mi gnas/ phyi rol na yang mi gnas/ dbus na yang mi gnas par brtag par bya'o/ /
217a₇ byang chub sems dpa' dmigs pa la mi gnas pa ni nyon mongs pa la dmigs pa dang / las la dmigs pa dang / bdud la dmigs pas nyams par mi 'gyur te/ las dang / nyon mongs pa dang / bdud la dmigs pa las 'das pa'i byang chub sems dpa' thams cad mkhyen pa rtogs

_{iiif viewer powered by OpenSeadragon}

216b - 217b

Texts on this page