rKTs

e-texts navigator

Volume

Page

213a₁ bstod pa dang / smad pa dang / bde ba dang sdug bsngal bas mi 'phrogs shing byang chub sems dpa' sems dpa' chen po ma khengs pa/ ma dud pa des ni ye shes chen po de rtogs par sla'o/ /byang chub sems dpa' skye bo 'dzin gyis smras pa/ kye grogs po dag gzhan
213a₂ la klan ka tshol bas ni thams cad mkhyen pa'i ye shes chen po de rtogs par mi nus kyi/ gcig pu gnyis su med la bdag gis sems can thams cad kyi phyir go cha chen po bgos pas sems can thams cad kyi gang ci yang rung / yongs su thob par bya ba de thams cad bdag
213a₃ gis yongs su thob par bya'o zhes/ dge ba'i rtsa ba bskyed pa dang / sems can thams cad yongs su smin par bya ba'i phyir de sems can thams cad dang thun mong du sems bskyed de/ yud tsam du yang brtson 'grus mi gtong zhing de ltar brtson 'grus la gnas pa'i byang chub
213a₄ sems dpas ye shes chen po de rtogs par nus so/ /byang chub sems dpa' sa 'dzin gyis smras pa/ kye grogs po dag 'di lta ste/ dper na sa ni rtswa dang / shing gel pa dang / sman dang / nags tshal thams cad kyi gnas yin te/ de la gnas shing rtswa dang / shing
213a₅ gel pa dang / sman dang / nags tshal gyi sa bon thams cad skye bar 'gyur mod kyi sa chen po de ni lan re ba yang med do/ /sems can thams cad kyang sa chen po las 'tsho mod kyi/ sa chen po ni skyo bar yang mi byed do/ /rigs kyi bu de bzhin du byang chub sems dpa' chags pa dang /
213a₆ zhe sdang ba'i sems dang bral ba dang / sems can thams cad kyi nye bar 'tsho ba dang lan re ba med pa'i phyir sa dang 'dra bar sems bskyed na ye shes chen po de rtogs par nus so/ /byang chub sems dpa' lag na rin chen gyis smras pa/ kye grogs po dag shes par gyis shig 'di ni go
213a₇ cha chen po yin te/ dman pa la mos pas ni ye shes chen po de rtogs par mi nus kyi/ gang gnyid log pa'i rmi lam na yang theg pa gnyis la sems mi 'jug cing rin po che'i sems thams cad mkhyen pa'i sems de pha rol dag kyang 'dod par byed du 'jug la rin po che'i

_{iiif viewer powered by OpenSeadragon}

212b - 213b

Texts on this page