| e-texts navigator |
| བོད་ཡིག |
212a1 na rin chen dang / lag na rin chen phyag rgya dang / seng ge'i blo gros dang / seng ge'i 'gros bsgrags dbyangs dang / nam mkha' mdzod dang / sems bskyed ma thag tu chos kyi 'khor los sgyur ba dang / tshig gi rab tu tha dad pa thams cad la spobs pa dang / spobs
212a2 pa'i phung po dang / blo gros rgya mtsho dang / lhun po chen po dang / mthong na dga' ba dang / rab tu dga' ba'i rgyal po dang / mtha' yas mthong ba dang / mtha' yas dmigs par gnas pa dang / bdud kyi lta ba yang dag par 'joms pa dang / mya ngan med sbyin dang / don thams cad grub
212a3 pa'i byang chub sems dpa' sems dpa' chen po dang / skyes bu dam pa nyi shu rtsa lnga po de dag dang lhan cig tu gnas so/ /dga' ldan gyi ris kyi lha'i bu bzhi yang chos mnyan pa'i phyir 'jam dpal gzhon nur gyur pa'i phyi bzhin du 'brang bar gyur te/ lha'i bu kun nas me tog ces bya ba dang /
212a4 lha'i bu me tog 'od zer can zhes bya ba dang / lha'i bu me tog man dA ra ba'i dri zhes bya ba dang / lha'i bu chos la gnas par rtag tu brtson pa zhes bya ba de dag dang / lha'i bu mang po gzhan dag kyang 'di lta ste/ chos mnyan pa'i phyir 'jam dpal gzhon nur gyur pa'i phyi bzhin du 'brang bar
212a5 gyur to/ /'di lta ste/ skyes bu dam pa de dag dang / lha'i bu de dag tshogs shing 'khod pa las bar skabs su kye grogs po dag sangs rgyas kyi ye shes ni rgya che ba/ dpag tu med pa/ tshad med pa/ bsam gyis mi khyab pa/ mnyam pa med pa/ gzhal du med pa/ mi rtogs
212a6 pa/ mi mnyam pa dang mnyam pa/ bla na med pa yin te/ de ni go cha dam pa ma yin pas rtogs par mi nus na go cha ji tsam zhig bgos na thams cad mkhyen pa'i ye shes ye shes chen po de rtogs par nus zhes de lta bu'i gtam rjod par gyur pa dang / byang chub sems dpa' klu dpal
212a7 gyis smras pa/ dge ba'i rtsa ba'i tshogs bsags pa bsngo ba la chog mi shes pa'i dge ba'i rtsa ba la gzhog par gnas shing mi brjed pa'i go cha bgos pas ye shes chen po de rtogs par nus so/ /byang chub sems dpa' klus byin gyis smras pa/ sems snyoms pa dang / sems
iiif viewer powered by OpenSeadragon
Texts on this page
D216 - 'phags pa ma skyes dgra'i 'gyod pa bsal ba zhes bya ba theg pa chen po'i mdo