| e-texts navigator |
| བོད་ཡིག |
207b1 ldan 'das gang la skyo bar bgyi/ yid 'byung bar bgyi/ bcom ldan 'das kyis bka' stsal pa/ 'khor ba las skyo zhing yid 'byung bar bya'o/ /rgyal pos gsol pa/ ci'i phyir 'khor ba las skyo zhing yid 'byung bar bgyi/ bcom ldan 'das kyis bka' stsal pa/ 'khor
207b2 ba 'di mi rtag pa dang / sdug bsngal ba'i phyir ro/ /rgyal pos gsol pa/ bcom ldan 'das 'khor ba 'di ji skad mi rtag pa lags/ bcom ldan 'das kyis bka' stsal pa/ snod kyi 'jig rten 'di yang mi rtag la/ bcud kyi sems can yang mi rtag go/ /rgyal pos
207b3 gsol pa/ snod kyi 'jig rten ji ltar mi rtag pa lags/ bcom ldan 'das kyis bka' stsal pa/ snod kyi 'jig rten ri rab gling khams kyang / /'jig pa'i dus tshe bskal pa'i me byung nas/ /thal ba'i lhag ma tsam yang ma lus so/ /chu dang rlung gis 'jig pa de bzhin no/ /
207b4 gzhan yang dbyar drod skye la dgun grang skam/ /lo legs lo nyes than zhod nges pa med/ /lo zla 'das shing 'jig pa'i dus dang nye/ /de la sogs te mi rtag mngon sum ni/ /rtag pa yin na ci phyir 'gyur zhing 'gro/ /rgyal pos gsol pa/ bcud kyi sems can ji ltar mi
207b5 rtag pa lags/ bcom ldan 'das kyis bka' stsal pa/ bcud kyi sems can tshe 'di nyid la yang / /nyin zhag lo zla rim gyis gcod byed pas/ /nyin zhag 'das shing 'chi dang phar phar nye/ /mi shir 'dod kyang rang la rang dbang med/ /skye rga na 'chi rang thag ri mo 'dra/ /'chi
207b6 bdag bdud ni so bya nya sdod 'dra/ /'chi ba'i rkyen ni bsam gyis mi khyab ste/ /'chi rkyen ma song dngos po gang yang med/ /lus 'di zas kyis 'tsho yang brnangs nas 'chi/ /'jig rten 'di na che chung phyug dbul kun/ /'chi bdag dbang du mi 'gyur gang yang med/ /snga ma shi ba'i
207b7 mi rnams kun gyis kyang / /rtag tu re nas bu dang nor bsags kyang / /bu nor phyir lus bdag la phan pa med/ /rang gi dge sdig gnyis dang 'grogs te 'chi/ /da ltar rang gi gnas pa'i ring 'di la'ang / /dga' bshes gnyen 'dun mdza' dang mi mdza' dang / /na tshod 'thun dang
iiif viewer powered by OpenSeadragon
Texts on this page
D214 - rgyal po la gdams pa zhes bya ba theg pa chen po'i mdo