| e-texts navigator |
| བོད་ཡིག |
207a1 @##/ /rgya gar skad du/ rA dza de sha nA ma ma hA yA na sU tra/ bod skad du/ rgyal po la gdams pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan
207a2 'das rgyal bu rgyal byed kyi chal mgon med zas sbyin gyi kun dga' ra ba na/ dge slong gi dge 'dun chen po dang byang chub sems dpa'i dge 'dun rab tu mang po dang thabs cig tu bzhugs so/ /de'i tshe bcom ldan 'das kyis 'khor rnams la bka' stsal pa/ de ring rgyal po gzugs can
207a3 snying po gdul bar bya ba'i dus la bab kyis yul ma ga d+hAr 'gro bar bya'o zhes gsungs nas/ 'khor dang bcas pa ngang pa'i rgyal po ltar nam mkha' la ldings te gshegs pa blon po zla ba bzang pos mthong nas rgyal po la smras pa/ lha lags sangs rgyas 'khor dang bcas pa 'o skol gyi yul du
207a4 byon pas grong khyer brgyan pa dang bsnyen bkur bya bar rigs so/ /rgyal pos smras pa/ 'dzam bu'i gling na nga las che ba med par su la bsnyen bkur byed ces slar nyid du dregs par gyur to/ /de nas rgyal po gzugs can snying po'i pho brang gi sgor gdan bshams pa la bcom ldan 'das
207a5 'khor dang bcas pa bzhugs so/ /de ltar bzhugs par shes nas rgyal pos gyad chen po'i 'degs pa zhes bya ba rbad de rdo shin tu che ba bcom ldan 'das la 'phangs so/ /rdo de nam mkha' la lding zhing de las sgra 'di skad ces grag go/ /kye ma 'dus byas rtag pa med/ /skye zhing 'gog
207a6 pa'i chos can yin/ /skye ba yod na 'chi ba yod/ /'du ba yod na 'bral ba yod/ /bsags pa yod na 'dzad pa yod/ /lang tsho'i mdog kyang nad kyis 'phrog /'tsho ba'i tshe yang 'chi bas 'phrog /chags par gyur na sdug bsngal 'phel/ /skyo bar byas na thar bar 'gyur/ /zhes
207a7 pa de rgyal po gzugs can snying pos thos pas mos par gyur te thad du song nas thal mo sbyar te 'khod pa la bcom ldan 'das kyis bka' stsal pa/ rgyal po chen po chos la mos par bya/ khong du chud par bya/ bsgo bar bya/ yid 'byung bar bya'o/ /rgyal pos gsol pa/ bcom
iiif viewer powered by OpenSeadragon
Texts on this page
D214 - rgyal po la gdams pa zhes bya ba theg pa chen po'i mdo