| e-texts navigator |
| བོད་ཡིག |
123b1 rten yi rangs te/ byang chub sems dpa' sems dpa' chen po byams pas bshad pa la mngon par bstod do/ /'phags pa sA lu'i ljang pa zhes bya ba theg pa chen po'i mdo rdzogs so// @##/ /rgya gar skad du/
123b2 pra tI t+ya sa mut+pA dA di tsa bi b+hang+ga nirde sha nA ma sU tra/ bod skad du/ rten cing 'brel bar 'byung ba dang po dang rnam par dbye ba bstan pa zhes bya ba'i mdo/ dkon mchog gsum la phyag 'tshal lo/ /'di skad bdag gis thos pa'i dus gcig na/ bcom ldan 'das mnyan yod na rgyal bu rgyal byed kyi
123b3 tshal mgon med zas sbyin gyi kun dga' ra ba na bzhugs so/ /de nas bcom ldan 'das kyis dge slong rnams la bka' stsal pa/ dge slong dag khyed la rten cing 'brel par 'byung ba dang po dang rnam par dbye ba bstan gyis/ de legs par rab tu nyon la yid la zung shig dang bshad do/ /rten cing
123b4 'brel par 'byung ba dang po gang zhe na/ 'di lta ste/ 'di yod na 'di 'byung / 'di skyes pas 'di skye ba ste/ 'di lta ste/ ma rig pa'i rkyen gyis 'du byed/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched
123b5 drug / skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan dang / smre sngags 'don pa dang / sdug bsngal ba dang / yid
123b6 mi bde ba dang / 'khrug pa rnams 'byung bar 'gyur te/ de ltar na sdug bsngal gyi phung po chen po 'ba' zhig po 'di 'byung bar 'gyur ro/ /'di ni rten cing 'brel par 'byung ba dang po zhes bya'o/ /rten cing 'brel par 'byung ba'i rnam par dbye ba gang zhe na/ ma rig pa'i rkyen gyis 'du byed ces bya
123b7 ba'i ma rig pa gang zhe na/ gang de sngon gyi mtha' mi shes pa dang / phyi ma'i mtha' mi shes pa dang / sngon dang phyi ma'i mtha' mi shes pa dang / nang mi shes pa dang / phyi mi shes pa dang / nang dang phyi mi shes pa dang / las mi shes pa dang / rnam par smin pa mi shes pa dang / las dang rnam
iiif viewer powered by OpenSeadragon
Texts on this page
D210 - 'phags pa sA lu'i ljang ba zhes bya ba theg pa chen po'i mdo
D211 - rten cing 'brel bar 'byung ba dang po dang rnam par dbye ba bstan pa zhes bya ba'i mdo