rKTs

e-texts navigator

Volume

Page

122a₁ bdag gis mig gi rnam par shes pa'i bsam pa'i bya ba bya'o snyam du mi sems so/ /mig gi rnam par shes pa yang 'di snyam du bdag ni rkyen 'di dag gis bskyed do snyam du mi sems te/ 'on kyang rkyen 'di dag yod pa las mig gi rnam par shes pa skye bar 'gyur ro/ /de bzhin
122a₂ du dbang po lhag ma rnams kyang ci rigs su sbyar ro/ /de la chos gang yang 'jig rten 'di nas 'jig rten pha rol du mi 'pho mod kyi/ rgyu dang rkyen ma tshang ba med pa'i phyir las kyi 'bras bur mngon pa yang yod do/ /'di lta ste/ dper na rab tu phyis pa'i me long gi dkyil 'khor la bzhin gyi gzugs
122a₃ brnyan snang ba yang bzhin me long gi dkyil 'khor du ma 'phos mod kyi/ rgyu dang rkyen ma tshang ba med pa'i phyir bzhin du mngon pa yang yod do/ /de bzhin du 'di nas kyang su yang shi 'phos pa med la gzhan du yang ma skyes te/ rgyu dang rkyen rnams ma tshang ba med pa'i phyir las kyi 'bras bur mngon pa yang yod
122a₄ do/ /'di lta ste/ dper na zla ba'i dkyil 'khor ni dpag tshad bzhi khri nyis stong nas 'gro ste/ 'on kyang snod chung ngu chus gang bar zla ba'i dkyil 'khor gyi gzugs brnyan snang ba yang zla ba'i dkyil 'khor ni gnas de nas ma 'phos te/ snod chung ngu chus gang ba'i nang du song ba yang med mod kyi/
122a₅ rgyu dang rkyen ma tshang ba med pa'i phyir zla ba'i dkyil 'khor du mngon pa yang yod do/ /de bzhin du 'di nas kyang su yang shi 'phos pa med la gzhan du yang ma skyes mod kyi/ rgyu dang rkyen rnams ma tshang ba med pa'i phyir las kyi 'bras bur mngon pa yang yod do/ /'di lta ste/ dper na me ni rgyu dang rkyen
122a₆ ma tshang na mi 'bar gyi rgyu dang rkyen 'tshogs pa las 'bar ro/ /de bzhin du bdag po med pa'i chos/ bdag gi med pa/ 'dzin pa med pa/ nam mkha' dang mtshungs pa/ sgyu ma'i mtshan nyid kyi rang bzhin dag la rgyu dang rkyen rnams ma tshang ba med pa'i phyir skye ba'i gnas nying mtshams sbyor ba ma'i
122a₇ mngal de dang der sa bon rnam par shes pa las dang nyon mongs pa rnams kyis bskyed pa ming dang gzugs kyi myu gu mngon par 'grub ste/ de ltar na nang gi rten cing 'brel par 'byung ba rkyen dang 'brel par blta'o/ /de la nang gi rten cing 'brel par 'byung ba rnam pa lngar blta ste/ lnga gang

_{iiif viewer powered by OpenSeadragon}

121b - 122b

Texts on this page