| e-texts navigator |
| བོད་ཡིག |
121b1 mtshams sbyor ba/ ma'i mngal de dang der ming dang gzugs kyi myu gu mngon par 'grub ste/ ming dang gzugs kyi myu gu de yang bdag gis ma byas/ gzhan gyis ma byas/ gnyis kas ma byas/ dbang phyug gis ma byas/ dus kyis ma bsgyur/ rang bzhin las ma byung / byed pa la rag las
121b2 pa ma yin/ rgyu med pa las kyang ma skyes te/ 'on kyang pha dang ma phrad pa dang / zla mtshan dang ldan pa dang / rkyen gzhan yang 'tshogs na bdag po med pa'i chos/ bdag gi med pa/ 'dzin pa med pa/ nam mkha' dang mtshungs pa/ sgyu ma'i mtshan nyid kyi rang bzhin dag la rgyu dang rkyen ma tshang ba med
121b3 pa'i phyir skye ba'i gnas nying mtshams sbyor ba ma'i mngal de dang der myong ba dang ldan pa'i sa bon rnam par shes pa ming dang gzugs kyi myu gu mngon par 'grub bo/ /'di lta ste/ mig gi rnam par shes pa ni rgyu lngas 'byung ste/ lnga gang zhe na/ mig la rten pa dang / gzugs dang / snang ba dang / nam
121b4 mkha' dang / de skyed pa'i yid la byed pa la yang brten nas mig gi rnam par shes pa 'byung ngo / /de la mig ni mig gi rnam par shes pa'i rten gyi bya ba byed do/ /gzugs ni mig gi rnam par shes pa'i dmigs pa'i bya ba byed do/ /snang ba ni mngon pa'i bya ba byed do/ /nam mkha' ni mi sgrib pa'i bya ba
121b5 byed do/ /de dang 'byung ba yid la byed pa ni bsam pa'i bya ba byed do/ /rkyen de dag med na mig gi rnam par shes pa 'byung bar mi 'gyur gyi/ gang gi tshe nang gi skye mched mig ma tshang bar ma gyur la/ de bzhin du gzugs dang / snang ba dang / nam mkha' dang / de dang 'byung ba yid la byed pa dag ma tshang
121b6 bar ma gyur te/ thams cad 'dus pa de las mig gi rnam par shes pa 'byung bar 'gyur ro/ /de la mig ni 'di snyam du bdag gis mig gi rnam par shes pa'i rten gyi bya ba bya'o snyam du mi sems so/ /gzugs kyang 'di snyam du bdag gis mig gi rnam par shes pa'i dmigs pa'i bya ba bya'o snyam du
121b7 mi sems so/ /snang ba yang 'di snyam du bdag gis mig gi rnam par shes pa'i mngon pa'i bya ba bya'o snyam du mi sems so/ /nam mkha' yang 'di snyam du bdag gis mig gi rnam par shes pa'i mi sgrib pa'i bya ba bya'o snyam du mi sems so/ /de dang 'byung ba'i yid la byed pa yang 'di snyam du
iiif viewer powered by OpenSeadragon
Texts on this page
D210 - 'phags pa sA lu'i ljang ba zhes bya ba theg pa chen po'i mdo