| e-texts navigator |
| བོད་ཡིག |
121a1 'dus byas ma yin/ 'dus ma byas ma yin/ rgyu med pa ma yin/ rkyen med pa ma yin/ myong ba yod pa ma yin/ zad pa'i chos ma yin/ 'jig pa'i chos ma yin/ 'gog pa'i chos ma yin te/ thog ma med pa'i dus nas zhugs pa/ rgyun ma chad par klung
121a2 gi rgyun bzhin du rjes su zhugs pa'o/ /rten cing 'brel par 'byung ba'i yan lag bcu gnyis po 'di dag ni rgyu gzhan dang gzhan las byung ba/ rkyen gzhan dang gzhan las byung ba/ rtag pa ma yin/ mi rtag pa ma yin/ 'dus byas ma yin/ 'dus ma byas ma yin/ rgyu med pa ma yin/ rkyen
121a3 med pa ma yin/ myong ba yod pa ma yin/ zad pa'i chos ma yin/ 'jig pa'i chos ma yin/ 'gog pa'i chos ma yin te/ thog ma med pa'i dus nas zhugs pa/ rgyun ma chad par klung gi rgyun bzhin du rjes su zhugs mod kyi/ 'on kyang yan lag bzhi po 'di dag ni rten cing 'brel par 'byung ba'i
121a4 yan lag bcu gnyis po de dag bsdu bar bya ba'i rgyur 'gyur ro/ /bzhi gang zhe na/ 'di lta ste/ ma rig pa dang / sred pa dang / las dang / rnam par shes pa'o/ /de la rnam par shes pa ni sa bon gyi rang bzhin gyis rgyu byed do/ /las ni zhing gi rang bzhin gyis rgyu byed do/ /ma rig pa dang sred pa ni nyon
121a5 mongs pa'i rang bzhin gyis rgyu byed do/ /de la las dang nyon mongs pa dag ni sa bon rnam par shes pa skyed do/ /de la las ni sa bon rnam par shes pa'i zhing gi bya ba byed do/ /sred pa ni sa bon rnam par shes pa rlan par byed do/ /ma rig pa ni sa bon rnam par shes pa 'debs te/ rkyen 'di dag med na sa
121a6 bon rnam par shes pa mngon par 'grub par mi 'gyur ro/ /de la las kyang 'di snyam du bdag gis sa bon rnam par shes pa'i zhing gi bya ba bya'o snyam du mi sems so/ /sred pa yang 'di snyam du bdag gis sa bon rnam par shes pa brlan par bya'o snyam du mi sems so/ /ma rig pa yang 'di snyam du bdag gis
121a7 sa bon rnam par shes pa gdab bo snyam du mi sems so/ /sa bon rnam par shes pa yang 'di snyam du bdag ni rkyen 'di dag gis bskyed do snyam du mi sems te/ 'on kyang sa bon rnam par shes pa las kyi zhing la rten pa/ sred pa'i rlan gyis brlan pa/ ma rig pa'i lud kyis bran pa/ skye ba na skye ba'i gnas nying
iiif viewer powered by OpenSeadragon
Texts on this page
D210 - 'phags pa sA lu'i ljang ba zhes bya ba theg pa chen po'i mdo