rKTs

e-texts navigator

Volume

Page

120a₁ bya'o/ /dngos po so sor rnam par rig pa ni rnam par shes pa'o/ /rnam par shes pa dang lhan cig byung ba nye bar len pa'i phung po bzhi po 'di dag ni ming dang gzugs so/ /ming dang gzugs la rten pa'i dbang po rnams ni skye mched drug go/ /chos gsum 'dus pa
120a₂ ni reg pa'o/ /reg pa myong ba ni tshor ba'o/ /tshor ba la zhen pa ni sred pa'o/ /sred pa 'phel ba ni len pa'o/ /len pa las skyes pa yang skyed pa'i las ni srid pa'o/ /rgyu de las phung po byung ba ni skye ba'o/ /skyes nas phung po smin pa ni rga ba'o/ /rgas nas phung po zhig pa ni 'chi ba'o/ /'chi zhing
120a₃ myos te mngon par chags pa dang bcas pa'i nang gi yongs su gdung ba ni mya ngan to/ /mya ngan las byung ba'i tshig tu smra ba ni smre sngags 'don pa'o/ /rnam par shes pa lnga'i tshogs dang ldan pa'i mi bde ba myong ba ni sdug bsngal lo/ /yid la byed pa dang ldan pa'i yid kyi sdug bsngal ni yid
120a₄ mi bde ba'o/ /gzhan yang 'di lta bu la sogs pa'i nye ba'i nyon mongs pa gang yin pa de dag ni 'khrug pa zhes bya'o/ /de la mun pa chen po'i phyir ma rig pa'o/ /mngon par 'du byed pa'i phyir 'du byed rnams so/ /rnam par rig pa'i phyir rnam par shes pa'o/ /rten pa'i phyir ming dang gzugs
120a₅ so/ /skye ba'i sgo'i phyir skye mched drug go/ /reg pa'i phyir reg pa'o/ /myong ba'i phyir tshor ba'o/ /skom pa'i phyir sred pa'o/ /nye bar len pa'i phyir len pa'o/ /yang srid pa skye ba'i phyir srid pa'o/ /phung po 'byung ba'i phyir skye ba'o/ /phung po smin pa'i phyir rga ba'o/ /'jig pa'i phyir 'chi ba'o/ /
120a₆ mya ngan byed pa'i phyir mya ngan to/ /tshig gis smre ba'i phyir smre sngags 'don pa'o/ /lus la gnod pa'i phyir sdug bsngal ba'o/ /sems la gnod pa'i phyir yid mi bde ba'o/ /nyon mongs pa'i phyir 'khrug pa'o/ /gzhan yang de kho na mi rtogs shing log par shes te mi shes pa
120a₇ ni ma rig pa'o/ /de ltar ma rig pa yod na 'du byed rnam gsum mngon par 'grub ste/ bsod nams su nye bar 'gro ba dang / bsod nams ma yin par nye bar 'gro ba dang / mi g.yo bar nye bar 'gro ba'o/ /'di dag ni ma rig pa'i rkyen gyis 'du byed rnams zhes bya'o/ /de la bsod

_{iiif viewer powered by OpenSeadragon}

119b - 120b

Texts on this page