rKTs

e-texts navigator

Volume

Page

119b₁ bar bya'o snyam du mi sems so/ /rlung gi khams kyang 'di snyam du bdag gis lus kyi dbugs phyi nang du rgyu ba'i bya ba bya'o snyam du mi sems so/ /nam mkha'i khams kyang 'di snyam du bdag gis lus kyi nang sbubs yod par bya'o snyam du mi sems so/ /rnam par shes pa'i khams kyang 'di snyam
119b₂ du bdag gis lus kyi ming dang gzugs mngon par bsgrub po snyam du mi sems so/ /lus kyang 'di snyam du bdag ni rkyen 'di dag gis bskyed do snyam du mi sems mod kyi/ 'on kyang rkyen 'di dag yod na lus skye bar 'gyur ro/ /de la sa'i khams ni bdag ma yin/ sems can ma
119b₃ yin/ srog ma yin/ skye ba po ma yin/ shed las skyes pa ma yin/ shed bu ma yin/ bud med ma yin/ skyes pa ma yin/ ma ning ma yin/ nga ma yin/ bdag gi ma yin te/ gzhan su'i yang ma yin no/ /de bzhin du chu'i khams dang / me'i khams dang / rlung gi khams
119b₄ dang / nam mkha'i khams dang / rnam par shes pa'i khams kyang bdag ma yin/ sems can ma yin/ srog ma yin/ skye ba po ma yin/ shed las skyes pa ma yin/ shed bu ma yin/ bud med ma yin/ skyes pa ma yin/ ma ning ma yin/ nga ma yin/ bdag gi ma yin/
119b₅ gzhan su'i yang ma yin no/ /de la ma rig pa gang zhe na/ khams drug po 'di dag nyid la gang gcig pur 'du shes pa dang / ril por 'du shes pa dang / rtag par 'du shes pa dang / brtan par 'du shes pa dang / ther zug tu 'du shes pa dang / bde bar 'du shes pa dang / bdag
119b₆ tu 'du shes pa dang / sems can dang / srog dang / skye ba po dang / gso ba dang / skyes bu dang / gang zag tu 'du shes pa dang / shed las skyes pa dang / shed bur 'du shes pa dang / nga zhes bya ba dang / bdag gi zhes bya bar 'du shes pa ste/ 'di lta bu la sogs pa mi
119b₇ shes pa rnam pa sna tshogs 'di ni ma rig pa zhes bya'o/ /de ltar ma rig pa yod pas yul rnams la 'dod chags dang / zhe sdang dang / gti mug 'jug ste/ de la yul rnams la 'dod chags dang / zhe sdang dang / gti mug gang yin pa 'di ni ma rig pa'i rkyen gyis 'du byed rnams zhes

_{iiif viewer powered by OpenSeadragon}

119a - 120a

Texts on this page