rKTs

e-texts navigator

Volume

Page

117b₁ gnyis gang zhe na/ 'di lta ste/ rgyu dang 'brel pa dang / rkyen dang 'brel pa'i phyir ro/ /de yang phyi'i dang / nang gi dang rnam pa gnyis su blta'o/ /de la phyi rol gyi rten cing 'brel par 'byung ba'i rgyu dang 'brel pa gang zhe na/ 'di lta ste/ sa bon las myu gu/ myu gu las 'dab ma/ 'dab
117b₂ ma las sdong bu/ sdong bu las sbu bu/ sbu bu las snying po/ snying po las me tog /me tog las 'bras bu'o/ /sa bon med na myu gu mi 'byung ste/ me tog med na 'bras bu'i bar du yang mi 'byung ngo / /sa bon yod na myu gu mngon par 'grub par 'gyur te/ de bzhin du me tog
117b₃ yod na 'bras bu'i bar du mngon par 'grub par 'gyur ro/ /de la sa bon ni 'di snyam du bdag gis myu gu mngon par bsgrub po snyam du mi sems so/ /myu gu yang 'di snyam du bdag ni sa bon gyis mngon par bsgrubs so snyam du mi sems so/ /de bzhin du me tog kyang 'di snyam du bdag gis
117b₄ 'bras bu mngon par bsgrub po snyam du mi sems pa'i bar du ste/ 'bras bu yang 'di snyam du bdag ni me tog gis mngon par bsgrubs so snyam du mi sems mod kyi/ 'on kyang sa bon yod na myu gu mngon par 'grub cing 'byung bar 'gyur ba nas de bzhin du me tog yod na 'bras bu'i bar du
117b₅ yang mngon par 'grub cing 'byung bar 'gyur te/ de ltar phyi rol gyi rten cing 'brel par 'byung ba rgyu dang 'brel par blta'o/ /phyi rol gyi rten cing 'brel par 'byung ba rkyen dang 'brel pa ji ltar blta zhe na/ khams drug 'dus pa'i phyir te/ khams drug po gang dag 'dus pa'i phyir zhe na/
117b₆ 'di lta ste/ sa dang / chu dang / me dang / rlung dang / nam mkha' dang / dus kyi khams rnams 'dus pa las phyi rol gyi rten cing 'brel par 'byung ba rkyen dang 'brel par blta'o/ /de la sa'i khams ni sa bon rten pa'i bya ba byed do/ /chu'i khams ni sa bon rlan pa'i bya ba byed do/ /me'i
117b₇ khams ni sa bon yongs su dro ba'i bya ba byed do/ /rlung gi khams ni sa bon 'bu ba'i bya ba byed do/ /nam mkha'i khams ni sa bon la mi sgrib pa'i bya ba byed do/ /dus ni sa bon 'gyur ba'i bya ba byed do/ /rkyen 'di rnams med par sa bon las myu gu mngon par 'grub par mi 'gyur gyi/ nam phyi rol

_{iiif viewer powered by OpenSeadragon}

117a - 118a

Texts on this page