rKTs

e-texts navigator

Volume

Page

117a₁ kyi sku dang ldan pa dang / slob pa dang mi slob pa'i chos de dag gzigs pa'o/ /de la rten cing 'brel par 'byung ba mthong ba ji lta bu zhe na/ 'di la bcom ldan 'das kyis sus rten cing 'brel par 'byung ba rtag pa dang / srog med pa dang / srog dang bral ba dang / ji lta bu
117a₂ nyid dang / ma nor ba dang / ma skyes pa dang / ma byung ba dang / ma byas pa dang / 'dus ma byas pa dang / thogs pa med pa dang / dmigs pa med pa dang / zhi ba dang / 'jigs pa med pa dang / mi 'phrogs pa dang / zad pa med pa dang / rnam par zhi ba ma yin pa'i rang bzhin du mthong
117a₃ ba ste/ gang gis tshul 'di 'dra bar chos la'ang rtag pa dang / srog med pa dang / srog dang bral ba dang / ji lta bu nyid dang / ma nor ba dang / ma skyes pa dang / ma byung ba dang / ma byas pa dang / 'dus ma byas pa dang / thogs pa med pa dang / dmigs pa med pa dang / zhi ba
117a₄ dang / 'jigs pa med pa dang / mi 'phrogs pa dang / zad pa med pa dang / rnam par zhi ba ma yin pa'i rang bzhin du mthong ba des 'phags pa'i chos mngon par rtogs te/ yang dag pa'i ye shes dang ldan pas bla na med pa'i chos kyi skur sangs rgyas mthong ngo zhes gsungs so/ /smras pa/
117a₅ ci'i phyir rten cing 'brel par 'byung ba zhes bya/ smras pa rgyu dang bcas rkyen dang bcas pa la bya'i/ rgyu med rkyen med pa la ni ma yin te/ de'i phyir rten cing 'brel par 'byung ba zhes bya'o/ /de la bcom ldan 'das kyis rten cing 'brel par 'byung ba'i mtshan nyid mdor bsdus te bka' stsal pa
117a₆ rkyen 'di nyid kyi 'bras bu ste/ de bzhin gshegs pa rnams byung yang rung / ma byung yang rung / chos rnams kyi chos nyid 'di ni 'dug pa'o zhes bya ba nas gang 'di chos nyid dang / chos gnas pa nyid dang / chos mi 'gyur ba nyid dang / rten cing 'brel par 'byung bar 'thun pa dang /
117a₇ de bzhin nyid dang / ma nor ba de bzhin nyid dang / gzhan ma yin pa de bzhin nyid dang / yang dag pa nyid dang / bden pa kho na dang / ma nor ba nyid dang / phyin ci ma log pa nyid ces bya ba'i bar du gsungs so/ /'di ltar yang rten cing 'brel par 'byung ba 'di gnyis kyi phyir 'byung ste/

_{iiif viewer powered by OpenSeadragon}

116b - 117b

Texts on this page