| e-texts navigator |
| བོད་ཡིག |
116a1 @##/ /rgya gar skad du/ Ar+ya shA li stam+b+ha nA ma ma hA yA na sU tra/ bod skad du/ 'phags pa sA lu'i ljang pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa'i dus gcig na/ bcom ldan
116a2 'das rgyal po'i khab bya rgod phung po'i ri la dge slong stong nyis brgya lnga bcu'i dge slong gi dge 'dun chen po dang / byang chub sems dpa' sems dpa' chen po rab tu mang po dang thabs cig tu bzhugs te/ de'i tshe na tshe dang ldan pa shA ri'i bu byang chub sems dpa' sems dpa' chen po byams pa'i
116a3 bgrod par bya ba'i sa phyogs ga la ba der song ste phyin nas phan tshun yang dag par dga' bar bya ba'i gtam rnam pa mang po byas nas 'dus te gnyis ka rdo leb la 'khod do/ /de nas tshe dang ldan pa shA ri'i bus byang chub sems dpa' sems dpa' chen po byams pa la 'di skad ces smras so/ /
116a4 byams pa deng 'dir bcom ldan 'das kyis sA lu'i ljang pa la gzigs nas dge slong rnams la mdo 'di gsungs so/ /dge slong dag sus rten cing 'brel par 'byung ba mthong ba des chos mthong ngo / /sus chos mthong ba des sangs rgyas mthong ngo zhes de skad bka' stsal nas/ bcom ldan
116a5 'das cang mi gsung bar gyur na byams pa bde bar gshegs pas bka' stsal pa'i mdo de'i don ni ci/ rten cing 'brel par 'byung ba ni gang / chos ni gang / sangs rgyas ni gang / ji ltar rten cing 'brel par 'byung ba mthong na chos mthong / ji ltar chos mthong na sangs rgyas mthong / de skad
116a6 ces smras pa dang / byang chub sems dpa' sems dpa' chen po byams pas tshe dang ldan pa sha ra dwa ti'i bu la 'di skad ces smras so/ /btsun pa shA ri'i bu 'di la bcom ldan 'das chos kyi bdag po thams cad mkhyen pas dge slong dag sus rten cing 'brel par 'byung ba mthong ba des chos mthong ngo / /
116a7 sus chos mthong ba des sangs rgyas mthong ngo zhes gsungs pa de la rten cing 'brel par 'byung ba gang zhe na/ rten cing 'brel par 'byung ba zhes bya ba ni 'di lta ste/ 'di yod pas 'di 'byung la/ 'di skyes pa'i phyir 'di skye ba ste/ gang 'di ma rig pa'i rkyen gyis 'du byed rnams/ 'du byed
iiif viewer powered by OpenSeadragon
Texts on this page
D210 - 'phags pa sA lu'i ljang ba zhes bya ba theg pa chen po'i mdo