rKTs

e-texts navigator

Volume

Page

98a₁ nas dge slong nyis stong gis bskor cing mdun du bdar te yangs pa'i grong khyer chen por bsod snyoms la gshegs nas/ bcom ldan 'das kyis zhabs sgo'i them pa la bzhag ma thag tu sangs rgyas bcom ldan 'das rnams grong khyer du gshegs
98a₂ pa na ngo mtshar rmad du byung ba'i chos rnams 'byung bar 'gyur ba gang dag yin pa de dag byung ste/ long ba rnams ni mthong bar gyur/ 'on pa rnams ni thos par gyur/ smyon pa rnams ni dran pa rnyed par gyur to/ /lha'i me tog gi char yang bab bo/ /snang ba
98a₃ chen po yang byung ngo / /srang yang dri ma med par gyur to/ /lha'i sil snyan yid du 'ong ba dag kyang ma brdungs par grag go/ /mnar med pa'i sems can dmyal ba la thug pa nas 'og min gyi gnas man chad kyi sems can thams cad kyang gcig tu nges par bde ba dang ldan
98a₄ par gyur to/ /de'i tshe yangs pa'i grong khyer chen po na lits+tsha bI seng ge'i bu rin chen byin zhes bya ba skyes nas lo gsum lon pa ma ma'i pang pa na 'dug pa khang brgyan pa'i khang steng na 'dug ste/ khye'u rin chen byin gyis rmad du byung ba'i mtshan ma dag mthong
98a₅ ngo / /de nas khye'u rin chen byin gyis rang gi ma ma la tshigs su bcad de smras pa/ ma ma gang gi mthu stobs kyis/ /shin tu ya mtshan byung ba snang / /nyi ma bye ba rnams kyi 'od/ /zil gnon snang 'di su zhig yin/ /stong gsum sa gzhi khyab gyur nas/ ngan 'gro skems
98a₆ par byed pa yi/ /rdzu 'phrul snang ba gang yin 'di/ /ma ma bdag la myur du smros/ /dus min me tog char pa yis/ /sangs rgyas zhing mtshams med par mdzes/ /phyogs rnams bya yi tshogs rnams kyis/ /skad snyan pas ni khyab par gyur/ /srang yang me tog rnams kyis
98a₇ khebs/ /me tog gdugs kyang rnam par bres/ /skyes pa bud med dga' rnams kyis/ /kun nas rab tu mdzes par 'dug /long ba rnams kyis mig kyang thob/ /skye bo 'on rnams sgra yang thos/ /byad ngan byad gzugs phun sum tshogs/ /mdog ngan kha dog phun sum tshogs/ /

_{iiif viewer powered by OpenSeadragon}

97b - 98b

Texts on this page