| e-texts navigator |
| བོད་ཡིག |
106a1 @##/ rgya gar skad du/ Ar+ya ta thA ga ta gu Na dz+nyA na a tsin t+ya bi Sha ya a ba tA ra ni ra de sha nA ma ma hA yA na sU tra/ bod skad du/ 'phags pa de bzhin gshegs pa'i yon tan dang ye shes bsam gyis mi khyab pa'i yul la 'jug pa bstan pa zhes bya ba
106a2 theg pa chen po'i mdo/ bam po dang po/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das yul ma ga d+hA na chos kyi dbye dgon pa na byang chub kyi snying po kun tu 'od
106a3 kyi khang bsod nams kyi rgyan gyi tshogs chen po bsags pa/ dga' ba rgya chen po skyed pa/ kun nas ma smad pa/ yon tan gyi tshogs dpag tu med pa dang ldan pa na bzhugs te/ bcom ldan 'das chos thams cad mnyam pa nyid du mngon par rdzogs par
106a4 sangs rgyas pa/ legs par thugs su chud pa'i blo dang ldan pa/ kun tu spyod pa gnyis mi mnga' ba/ mtshan nyid med pa'i chos la mchog tu gzhol bar mdzad pa/ sangs rgyas kyi gnas pas gnas pa/ sangs rgyas thams cad dang mnyam pa nyid brnyes
106a5 pa/ sgrib pa med pa'i rtogs pa brnyes pa/ phyir mi zlog pa'i chos dang ldan pa/ spyod yul gyis mi 'phrogs pa/ sangs rgyas kyi mdzad pa mtha' yas pa rgyun mi gcod pa/ bsam gyis mi khyab pa rnam par 'jog pa/ mtshan nyid med pa'i chos kyi dam pa'i
106a6 pha rol tu byon pa/ dus gsum la mnyam pa nyid tshar phyin pa/ 'jig rten gyi khams thams cad du zhugs pa'i sku dang ldan pa/ chos thams cad la the tsom med pa'i mkhyen pa mnga' ba/ spyod pa thams cad dang ldan pa'i blo mnga' ba/ chos mkhyen pa la nem
106a7 nur mi mnga' ba/ rnam par ma brtags pa'i sku mnga' ba/ byang chub sems dpa' thams cad kyis ye shes yang dag par blangs pa/ sangs rgyas kyi gnas pa gnyis su med pa dam pa'i pha rol tu byon pa/ de bzhin gshegs pa ma 'dres pa rnam par thar par mdzad
iiif viewer powered by OpenSeadragon
Texts on this page
D185 - 'phags pa de bzhin gshegs pa'i yon tan dang ye shes bsam gyis mi khyab pa'i yul la 'jug pa bstan pa zhes bya ba theg pa chen po'i mdo