| e-texts navigator |
| བོད་ཡིག |
104a1 'di thos pas gnod pa chen po ji tsam du gyur pa la gzigs/ bcom ldan 'das kyis bka' stsal pa/ 'jam dpal khyod de skad ma zer cig /gal te dge slong 'di dag gis chos kyi rnam grangs 'di ma thos su zin na/ bskal pa sa ya'i bar du
104a2 nams kyang bzang 'gror skye bar yang mi 'gyur na sangs rgyas dang phrad cing mnyes par byed pa lta ci smos/ da ni de dag gis chos kyi rnam grangs 'di som nyi dang bcas pas thos nas da gzod kho nar sems can dmyal ba chen po ngu 'bod nas shi 'phos te dga' ldan gyi lha'i ris su
104a3 skye'o/ /de dag bskal pa drug cu rtsa brgyad kyi bar du de bzhin gshegs pa khrag khrig phrag bcu mnyes par byed par 'gyur te/ thams cad du rdzus te skye zhing 'khor los sgyur ba'i rgyal po sha stag tu 'gyur la/ bskal pa gcig la de bzhin gshegs pa dgra bcom pa
104a4 yang dag par rdzogs pa'i sangs rgyas dri ma med pa'i 'od ces bya ba dag tu 'gyur ro/ /de nas lha'i bu de dag gis bdag cag lung bstan pa lha'i rna ba'i khams kyis thos nas/ de dag lha'i bu brgyad khri dang lhan cig tu bcom ldan 'das ga la ba der dong ste lhags nas
104a5 lha'i me tog gis yangs pa'i grong khyer thams cad du gtor to/ /chos kyi rnam grangs 'di la yang rjes su yi rang ste/ bcom ldan 'das bdag cag rjes su yi rang lags so/ /de bzhin gshegs pa rnams kyi byang chub kyi tshul 'phel bar mdzad du gsol zhes
104a6 kyang gsol to/ /de dag rjes su yi rang ba'i mod la bla na med pa yang dag par rdzogs pa'i byang chub las phyir mi ldog par gyur to/ /yangs pa'i grong khyer chen po'i srog chags brgyad khri bzhi stong yang bla na med pa yang dag par rdzogs pa'i byang chub las phyir mi ldog
104a7 par gyur to/ /srog chags khri nyis stong ni chos rnams la chos kyi mig rdul med cing dri ma dang bral ba rnam par dag go/ /de nas bcom ldan 'das kyis 'jam dpal gzhon nur gyur pa la bka' stsal pa/ 'jam dpal byang chub sems dpa' gang gis bskal pa 'bum gyi
iiif viewer powered by OpenSeadragon
Texts on this page
D184 - 'phags pa byang chub sems dpa'i spyod pa bstan pa zhes bya ba theg pa chen po'i mdo