rKTs

e-texts navigator

Volume

Page

102b₁ rdzogs pa'i byang chub ma dmigs pas na de'i phyir bdag mngon par rdzogs par 'tshang mi rgya'o/ /shA ri'i bus smras pa/ 'o na ci de bzhin gshegs pa 'di mngon par rdzogs par sangs rgyas pa las na dmigs pa la spyod dam/ rin chen byin gyis smras pa/ gal te de bzhin gshegs
102b₂ pa mngon par rdzogs par sangs rgyas par 'dzin na ni/ de'i dmigs par 'gyur ba zhig na/ chos gsung ba ni mngon par rdzogs par 'tshang rgya bar yang mi mdzad la spong bar yang mi mdzad do/ /shA ri'i bus smras pa/ khyod chos bzhi sgrub pa dang yongs su smin pa mnyam
102b₃ pas bzod pa gang la gnas/ khye'u rin chen byin gyis smras pa/ bdag gis ni chos gcig kyang yongs su grub par yang dag par ma mthong na bzhi lta ci smos/ 'di la yang dag par grub pa gang zhig yod de/ chos rnam par rig pa zhes bya ba 'di ni dmigs pa'o/ /byang
102b₄ chub ces bya ba 'di ni dmigs pa'o/ /de bzhin gshegs pa zhes bya ba 'di ni 'dzin pa'o/ /grol ba zhes bya ba 'di ni spros pa'o/ /shA ri'i bus smras pa/ rigs kyi bu khyod 'di lta bu'i chos rnams la spyod la rdzus te skye bas sangs rgyas rnams mngon sum du gyur par skye zhing rtag
102b₅ tu rab tu 'byung ba 'di ni ngo mtshar to/ /de nas de'i tshe khye'u rin chen byin gyis tshigs su bcad pa 'di dag smras so/ /skye dang de bzhin skye med gnyis ni spros pa ste/ /kun tu rtogs pa'i sa dang bdud kyi spyod yul yin/ /lus la sogs pa'i chos 'dzin rlom sems 'dod pa yi/ /
102b₆ lha dang lha min 'gro ba rnams ni 'dir brlag go/ /rgyal bas bdud rtsi 'dus ma byas pa brnyes snyam du/ /de ltar gang dag bsam pa rab tu 'jug byed pa/ /de dag sangs rgyas la ni sku ngas gsol bar byed/ /brnyes kyang 'di la 'dren pa rnams kyis brnyes pa med/ /'dir ni
102b₇ skye bo mang po dag / rab tu byung nas rang byung rlom/ /sems kyi dmigs pas rnam 'khrul nas/ /bstan pa la ni sun 'byin rnams/ /bdud rtsi bdag gis thob bo zhes/ /thob pa'i nga rgyal can dag smra/ /skyob pa shAkya seng ge yi/ /bstan pa la ni spros med pa/ /sems

_{iiif viewer powered by OpenSeadragon}

102a - 103a

Texts on this page