rKTs

e-texts navigator

Volume

Page

100b₁ thams cad bcad slad du/ /gang zag mchog la bdag mchod bgyid/ /de phyir me tog phul ba 'di/ /bdag la rnam smin 'bras ma gyur/ /dngos po thams cad bcad slad du/ /pad ma 'di ni bdag gis phul/ /bdag gi sangs rgyas zhing du ni/ /rgyal mchog
100b₂ theg pas 'gro ma gtogs/ /nyan thos kyi ni ming yang rung / /rang rgyal ming yang 'byung ma gyur/ /de nas tshe dang ldan pa maud gal gyi bu chen pos khye'u rin chen byin la tshigs su bcad de smras pa/ khyod ni ston pa 'di 'dra la/ /dad pas mchod pa byed mod kyi/ /blo
100b₃ gros phyin ci log gyur na/ /sangs rgyas su ni ji ltar 'gyur/ /de nas khye'u rin chen byin gyis tshe dang ldan pa maud gal gyi bu chen po la tshigs su bcad de smras pa/ 'di dag thams cad ma skyes te/ /'dus byas dag ni gsob dang gsog /de 'dra ba yi chos rnams la/ /
100b₄ dngos por 'gyur ba ga la yod/ /khyod ni chos gos ngur smrig bgos/ /dgra bcom nyid du 'dzin par byed/ /rnam shes 'di dag spyod yul yang / /stong pa kho na ma yin nam/ /dmigs pa la ni gnas bcas pas/ /sangs rgyas bye ba ma mnyes byas/ /bye ba de yang
100b₅ zhi bar mthong / /su yang ma mnyes byas pa med/ /maud gal bu la da dung yang / /dmigs pa 'jug pa yod dam ci/ /khyod kyi sems ni gang zhig gis/ /yon yang yongs su sbyong bar byed/ /de nas tshe dang ldan pa maud gal gyi bu chen pos khye'u rin chen byin la 'di skad
100b₆ ces smras so/ /khye'u ci de bzhin gshegs pas bla na med pa yang dag par rdzogs pa'i byang chub mngon par rdzogs par sangs ma rgyas sam/ chos kyang ma bstan tam/ khye'u rin chen byin gyis smras pa/ maud gal gyi bu mkhas pas ni byang chub spros par mi bya'o/ /de bzhin
100b₇ gshegs pa yang rlom sems su mi bya'o/ /chos mi skye'o snyam du brtag par mi bya'o/ /chos thams cad 'dus byas so snyam du brtag par mi bya'o/ /chos thams cad 'dus ma byas so snyam du brtag par mi bya'o/ /de bzhin du sbyar te chos thams cad skye ba dang / mi skye ba dang /

_{iiif viewer powered by OpenSeadragon}

100a - 101a

Texts on this page