| e-texts navigator |
| བོད་ཡིག |
8b1 'jig rten 'dzin la 'di skad ces bka' stsal to/ /legs so legs so/ /'jig rten 'dzin de ltar khyod kyis byang chub sems dpa' sems dpa' chen po rnams kyi phyir/ de bzhin gshegs pa la don de dag dris pa ni legs so/ /khyod skye bo mang po la phan pa dang bde
8b2 ba'i phyir/ 'jig rten la snying brtse ba'i phyir/ lha dang bcas pa'i 'jig rten la phan pa dang bde ba'i don gyi phyir/ gzhan yang da ltar gyi dus dang / ma 'ongs pa'i dus kyi byang chub sems dpa' la sogs pa la 'od chen pos snang bar bya ba'i phyir dri ba dris pa'i bsod nams ni dpag
8b3 tu med do/ /khyod kyis de bzhin gshegs pa la don 'di dag dris pa ni nges par sems can thams cad kyi the tshom yongs su gcad pa'i phyir/ sems can thams cad 'od kyis snang bar bya ba dang / bsrung bar bya ba'i phyir/ sems can dag la phan pa'i don bstan pa'i
8b4 phyir/ skye bo dag g.yang sa'i lam las bsgral bar bya ba'i phyir/ skye bo mang po'i rten dang / gnas dang / mgon dang / bskyab bya ba'i phyir/ ngan song gsum las gdon cing dbyung ba'i phyir/ sems can dag bla na med pa'i lam la gzud pa'i phyir/ skye bo
8b5 mang po dag skye ba dang / rga ba dang / na ba dang / 'chi ba dang / slos pa'i mya ngan dang / smre sngags 'don pa dang / sdug bsngal ba dang / 'khrug pa las rnam par grol ba'i phyir/ sems can la bla na med pa'i mya ngan las 'das pa'i bde ba sbyin pa'i phyir/ phyi
8b6 ma ma 'ongs pa'i dus na dam pa'i chos bsrung zhing bskyab pa'i phyir/ phyi ma ma 'ongs pa 'jig pa'i dus ngan pa'i sems can dag bsgral ba'i phyir/ de bzhin gshegs pa la dri bar sems pa legs so/ /de lta bas na 'jig rten 'dzin khyod legs par nyon la rab tu yid la
8b7 zung shig dang / rnam par phye ste bshad par bya'o/ /bcom ldan 'das de ltar bgyi'o zhes gsol nas byang chub sems dpa' 'jig rten 'dzin bcom ldan 'das la phyir nyan to/ /bcom ldan 'das kyis de la 'di skad ces bka' stsal to/ /skyes bu dam pa de la 'di skad ces
iiif viewer powered by OpenSeadragon
Texts on this page
D174 - 'phags pa 'jig rten 'dzin gyis yongs su dris pa zhes bya ba'i mdo