| e-texts navigator |
| བོད་ཡིག |
77b1 par bya'o/ /sngon byung ba'i bstan pa zhes bya ba'i le'u ste bcu gcig go/ //de nas de'i tshe byang chub sems dpa' sems dpa' chen po 'jig rten 'dzin gyis bcom ldan 'das la 'di skad ces gsol to/ /bcom ldan 'das byang chub sems dpa' sems
77b2 dpa' chen po rnams la phan pa dang bde ba'i don gyi slad du mdo sde 'di bskyab pa'i slad du byin gyis brlab tu gsol/ byang chub sems dpa' sems dpa' chen po phyi ma ma mchis pa'i dus su mdo sde 'di thos na sems yongs su dag pa dang dga' ba dang bde bar ldan zhing chos 'di dag
77b3 bsgrub pa'i slad du shin tu brtson 'grus rtsom par 'gyur ro/ /de'i tshe bcom ldan 'das kyis mdo sde 'di byin gyis brlab pa'i phyir rdzu 'phrul gyi mthus stong gsum gyi stong chen po'i 'jig rten gyi khams 'di dri dang bsung ngo mtshar rmad dang ldan pas yongs su khyab par gyur to/ /sems
77b4 can rnams gcig la gcig byams pa'i sems kyis blta bar gyur to/ /bcom ldan 'das kyis de ltar byin gyis brlabs nas 'jig rten 'dzin la 'di skad ces bka' stsal to/ /'jig rten 'dzin ngas chos kyi phyag rgya'i mdo sde 'di byin gyis brlabs pa ni thams cad kyi the tshom
77b5 gcad pa'i phyir ro/ /'jig rten 'dzin gang zhig gis mdo sde 'di 'chang ngam/ 'dzin tam/ klog gam/ 'don na ring por mi thogs par thams cad mkhyen pa'i ye shes su 'gyur ro/ /skyes bu de dag myur du thams cad mkhyen pa'i ye shes rdzogs par 'gyur bar lung
77b6 bstan to/ /'jig rten 'dzin byang chub sems dpa' sems dpa' chen po rnams gang zhig mdo sde chos kyi phyag rgya 'di 'chang ngam/ 'dzin tam/ klog gam/ 'don tam/ yid la byed dam/ gzhan dag la yang rgya cher ston cing 'chad na skyes bu de ring po mi thogs par myur
77b7 du phung po lnga la sbyor ba dang / skye mched bcu gnyis dang / khams brgyad dang / rten cing 'brel te byung ba bcu gnyis dang / dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga
iiif viewer powered by OpenSeadragon
Texts on this page
D174 - 'phags pa 'jig rten 'dzin gyis yongs su dris pa zhes bya ba'i mdo