| e-texts navigator |
| བོད་ཡིག |
5b1 @##/ /rgya gar skad du/ Ar+ya nai ra At+ma pa ri pr-its+tshA nA ma ma hA yA na sU tra/ bod skad du/ 'phags pa bdag med pa dris pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ /de nas dmigs pa'i lta ba can
5b2 rnam par rtog pa dang bcas shing rnam par dpyod pa dang bcas pa'i mu stegs pa de dag rnams theg pa chen po'i nang du song ste/ zhe sa dang bcas shing thal mo sbyar nas bdag med pa'i dri ba dag yongs su dris pa/ rigs kyi bu thams cad mkhyen pas ni lus la bdag med do zhes
5b3 gsungs la/ gal te lus la yang dag par bdag med na ji ltar na de las rtse ba dang / dgod pa dang / ngu ba dang / rol ba dang / khro ba dang / nga rgyal dang / phrag dog dang / phra ma la sogs pa kun tu 'byung bar 'gyur/ ci lus la yang dag par na bdag yod dam med
5b4 pa yin/ bdag cag gi the tshom de dag khyod kyis bsal ba'i rigs so/ /theg pa chen po pa rnams kyis smras pa/ grogs po dag lus la ni bdag yang dag par yod do zhe'am/ med do zhes gnyi gar yang 'dir brjod par mi bya ste/ yang dag par yod do zhes
5b5 brjod pa na med do zhes brjod pa ni log par smra ba'o/ /gal te yod na ji ltar na de skra dang / sen mo dang / pags pa dang / mgo bo dang / sha dang / rus pa dang / rkang dang / tshil dang / rgyus pa dang / mchin pa dang / rgyu ma dang / mid pa dang / lag pa dang / rkang pa
5b6 dang / yan lag dang / nying lag la sogs pa lus thams cad kyi phyi dang nang du bcas pa la rnam par brtags na bdag yang dag par mi snang ngo / /mu stegs pa rnams kyis smras pa/ lha'i mig dang ldan pa 'ga' zhig gis mthong gis/ bdag cag rnams ni sha'i mig
5b7 can yin pas bdag yang dag par ji ltar mthong / theg pa chen po pa rnams kyis smras pa/ lha'i mig dang ldan pa rnams kyis kyang mi mthong ste/ gang la kha dog med pa dang / gzugs med pa dang / dbyibs med pa de ji ltar mthong bar 'gyur/ mu stegs pa
iiif viewer powered by OpenSeadragon
Texts on this page
D173 - 'phags pa bdag med pa dris pa zhes bya ba theg pa chen po'i mdo