| e-texts navigator |
| བོད་ཡིག |
240a1 @##/ /rgya gar skad du/ Ar+ya many+dzu shrI ni ra de sha nA ma ma hA yA na sU tra/ bod skad du/ 'phags pa 'jam dpal gyis bstan pa zhes bya ba theg pa chen po'i mdo/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa
240a2 dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na/ dge slong stong nyis brgya lnga bcu'i dge slong gi dge 'dun chen po dang / byang chub sems dpa' lnga stong tham pa dang thabs cig tu bzhugs te/ de'i tshe bcom
240a3 ldan 'das 'khor 'bum phrag du mas yongs su bskor cing / mdun gyis bltas nas chos ston to/ /de nas 'jam dpal gzhon nur gyur pa rin po che'i gdugs dpag tshad bcus 'khor ba tsam thogs nas/ bcom ldan 'das kyi dbu'i gtsug gi steng gi drang thad na 'dzin
240a4 cing 'dug go/ /de nas yongs su dga' ldan ris kyi lha'i bu mtshams zhes bya ba bla na med pa yang dag par rdzogs pa'i byang chub las phyir mi ldog pa 'khor dang bcas te/ 'khor de nyid du 'dus par gyur nas 'dug pa stan las langs te/ 'jam dpal gzhon nur
240a5 gyur pa ga la ba der song nas phyin pa dang / 'jam dpal gzhon nur gyur pa la 'di skad ces smras so/ /'jam dpal khyod bcom ldan 'das la mchod pa mdzad pas da dung thugs ma tshim lags sam/ 'jam dpal gyis smras pa/ lha'i bu 'di ji snyam du sems/
240a6 rgya mtsho chen po chu zed pas chog par 'dzin par 'gyur snyam mam/ lha'i bus smras pa/ 'jam dpal de ni ma lags so/ /'jam dpal gyis smras pa/ lha'i bu de bzhin du thams cad mkhyen pa'i ye shes rgya mtsho chen po lta bu zab cing gting dpag dka' la/ dpag tu
240a7 med pa yongs su tshol bar 'dod pa'i byang chub sems dpa' sems dpa' chen pos de bzhin gshegs pa la mchod pa bya bar 'dod pas gzhar yang chog par 'dzin par mi bya'o/ /lha'i bus smras pa/ 'jam dpal ci la dmigs nas/ de bzhin gshegs pa la mchod
iiif viewer powered by OpenSeadragon
Texts on this page
D177 - 'phags pa 'jam dpal gyis bstan ba zhes bya ba theg pa chen po'i mdo