rKTs

e-texts navigator

Volume

Page

23a₁ gyis tshor ba rnams myong ste/ rang bzhin gyis stong pas tshor ba las tshor ba'i mtshan ma med do/ /byang chub sems dpa' rnams tshor ba'i phung po la rtog pa na chu'i chu bur lta bur skyes nas 'gags te nges par chad pa med par chud pa bzhin tshor ba'i phung po yang de dang 'dra ste/
23a₂ rgyu dang rkyen 'brel pa las skyes te/ rgyu dang rkyen la rag las pas skad cig kyang mi gnas te/ yang dag pa ma yin pas rnam par brtags pa'i phyin ci log las skyes so/ /byang chub sems dpa' dag de'i tshe na yang 'di snyam du bus pa so so'i skye bo dag ni snying brtse ba'i gnas
23a₃ yin no/ /tshor ba'i phung po la yang dag pa ji lta ba bzhin mi rtogs pas tshor ba rnams kyis nyon mongs par gyur to/ /bde ba'i tshor ba la yang chags/ sdug bsngal gyi tshor ba la yang chags/ bde ba yang ma yin sdug bsngal ba yang ma yin pa'i tshor ba la yang chags pa
23a₄ skyed de/ tshor ba rnams kyis bcings pas 'khor ba na 'khor zhing lus gcig nas lus gcig tu rgyun mi 'chad de/ tshor ba'i nyon mongs pas ni tshor ba'i phung po'i mtshan nyid yang dag pa ji lta ba mi shes pa'i phyir ro/ /bdag cag gis bus pa so so'i skye bo'i rjes su bslab
23a₅ par mi bya'i/ yang dag pa ji lta ba bzhin tshor ba'i phung po rnam par 'byed pa la brtag par bya'o/ /de'i tshe yang dag pa ji lta ba bzhin tshor ba'i phung po la rtog pa ni phung po med pa tshor ba'i phung po yin pa dang / yang dag pa ma yin pa'i phung po de tshor ba'i phung po yin pa dang /
23a₆ phyin ci log gi phung po de tshor ba'i phung po yin pa dang / mi gnas pa'i phung po de tshor ba'i phung po yin par rtogs te/ de'i tshe na yang dag pa ji lta ba bzhin du tshor ba'i phung po'i mtshan nyid mthong ste/ byas pa med/ byed pa med de/ tshor ba'i phung po la tshor ba'i phung po'i mtshan
23a₇ nyid kyang mi mthong ngo / /de ltar tshor ba'i phung po la rtog pa na tshor ba'i phung po la nang na gnas par mi mthong / tshor ba'i phung po la phyi rol na gnas par mi mthong ste/ tshor ba bdag ces bya ba la mi chags/ tshor ba bdag gi ba zhes bya ba la mi chags pas tshor ba'i phung po la

_{iiif viewer powered by OpenSeadragon}

22b - 23b

Texts on this page