rKTs

e-texts navigator

Volume

Page

20b₁ dag par rtog pa ni 'di lta ste/ ma rig pa'i phung po ni nye bar len pa'i phung po'o/ /sdug bsngal gyi phung po ni nye bar len pa'i phung po'o/ /gti mug gi phung po ni nye bar len pa'i phung po'o/ /nad kyi phung po dang / shu ba'i phung po dang / zug rngu'i phung po ni nye bar len pa'i phung po
20b₂ lnga'o/ /byang chub sems dpa' rnams gzugs nye bar len pa'i phung po rnam par 'byed pa la brtag par bya'o/ /de la gzugs nye bar len pa'i phung po rnam par 'byed pa la ji ltar brtag ce na/ gzugs nye bar len pa'i phung po de ni chen po bzhi las skyes pa ste/ gzugs
20b₃ nye bar len pa'i phung po zhes btags pa tsam du zad do/ /gzugs kyi phung po la rang bzhin med de chen po bzhi 'dus par zad pas gzugs kyi phung po zhes btags pa tsam mo/ /gzugs kyi phung po ni byas pa med pa/ byed pa med pa/ bya ba med pa/ 'byung ba med pa'o/ /
20b₄ gzugs kyi phung po zhes bya ba ni sngon gyi las kyi rgyu dang / rkyen dang / chen po bzhi 'dus pa las gzugs kyi phung po zhes btags pa tsam du zad kyi phung po ma yin pa de gzugs kyi phung po yin no/ /dper na nam mkha'i phung po dang 'dra ste yang dag pa skye ba'i mtshan nyid
20b₅ med do/ /gang nam mkha'i phung po zhes brjod pa de la chos gang yang ma skyes te ming tsam yod pa'i phyir nam mkha'i phung po zhes bya'o/ /byis pa so so'i skye bos phung po dang phung po'i mtshan nyid med pa 'di la phyin ci log gi sems kyis yang dag pa ma yin par yang dag
20b₆ par 'dzin te/ bdag phung po lnga'o/ /bdag gi ba phung po lnga'o/ /bdag gzugs kyi phung po'o/ /bdag gi gzugs kyi phung po zhes de ltar zhen to/ /de ltar byis pa so so'i skye bo dag gzugs la zhen nas gzugs la bdag dang / bdag gi ba dang /
20b₇ gzugs yod pa dang / gzugs su 'dzin pa dang / gzugs su len pa dang / gzugs la zhen pa dag gzugs la gnas shing rten te sdig pa mi dge ba'i las rnam pa sna tshogs spyod cing myong bar byed do/ /bdag cag gis ni bus pa so so'i skye bo'i rjes su bslab

_{iiif viewer powered by OpenSeadragon}

20a - 21a

Texts on this page