rKTs

e-texts navigator

Volume

Page

20a₁ kyi sgo 'dir zhugs na chos thams cad kyi sgor zhugs pa dang / chos thams cad kyi sgo shes pa dang / chos thams cad kyi sgo ston pa zhes bya'o/ /gleng gzhi'i le'u ste gcig go/ //de nas bcom ldan 'das kyis byang chub
20a₂ sems dpa' 'jig rten 'dzin la 'di skad ces bka' stsal to/ /'jig rten 'dzin byang chub sems dpa' sems dpa' chen po gang zhig chos thams cad kyi yang dag pa'i mtshan nyid thob par 'dod pa dang / chos rnam par 'byed pa'i mtshan nyid la mkhas par 'dod pa
20a₃ dang / gang dran pa'i stobs thob par 'dod pa dang / chos thams cad rnam par 'byed pa'i shes rab thob par 'dod pa dang / gang 'di lus 'di bor nas nam bla na med pa yang dag par rdzogs pa'i byang chub kyi bar du rgyun mi 'chad pa'i dran pa thob par 'dod pa dag chos
20a₄ kyi sgo 'di la myur du 'jug par bya'o/ /chos kyi sgo 'dis shes rab kyi snang ba thob par 'gyur ro/ /de ci'i phyir zhe na/ chos kyi sgo 'dis ni myur du phun sum tshogs pa thob pa'i phyir ro/ /gzhan yang 'jig rten 'dzin byang chub sems dpa' sems dpa' chen po rnams
20a₅ chos kyi sgo 'di la nan tan du brtson par bya'o/ /gang chos la sbyor ba'i sgo 'di la zhugs pa ni phung po la sbyor ba dang / khams la sbyor ba dang / skye mched la sbyor ba dang / rten cing 'brel te 'byung ba'i chos la sbyor ba dang / dran pa nye bar gzhag pa bzhi la sbyor
20a₆ ba dang / dbang po lnga la sbyor ba dang / 'phags pa'i lam yan lag brgyad pa la sbyor ba dang / 'jig rten pa dang / 'jig rten las 'das pa'i chos la sbyor ba rnam par 'byed pa la shin tu mkhas shing / gzhan yang 'dus byas dang / 'dus ma byas pa'i chos
20a₇ la sbyor ba rnam par 'byed pa la shin tu mkhas par 'gyur ro/ /'jig rten 'dzin de la ji ltar na byang chub sems dpas phung po lnga la sbyor ba rnam par 'byed pa la mkhas pa gang zhe na/ byang chub sems dpa' sems dpa' chen po rnams nye bar len pa'i phung po lnga la yang

_{iiif viewer powered by OpenSeadragon}

19b - 20b

Texts on this page