rKTs

e-texts navigator

Volume

Page

17b₁ rnams gdon pa'i phyir thugs rje chen po bskyed de sku gdung gses te phra mo yungs kar gyi 'bru tsam yang rdzu 'phrul gyi mthu bstan to/ /nga yongs su mya ngan las 'das nas sems can gang sku gdung gis 'dul bar 'gyur ba dag sems rnam par dag par 'gyur ro/ /sems rnam par
17b₂ dag pas gnas thams cad du smon pa bzhin du 'grub bo/ /rigs kyi bu dag nga sngon byang chub sems dpa'i spyad pa spyod pa'i tshe sems can dag la de lta bu'i thugs rje'i thugs lhun gyis grub pa'i sku gdung phra mor gses te kun tu khyab par byas pa yang nga'i sngon gyi smon lam gyi dbang
17b₃ gis so/ /de ltar tshad med pa'i yon tan dang / bsod nams kyi rgyu dang / rkyen dang / thugs rje chen po'i shugs kyis phyi ma ma 'ongs pa'i dus ngan par skye bo mang po la skyob par gyur to/ /rigs kyi bu dag byang chub sems dpa' gang chos 'di la mos pa dang / brtson
17b₄ 'grus dang / bag byed pa skyid pa dag nges par phyi ma ma 'ongs pa'i dus na mdo sde 'di la sogs pa klog pa dang / 'don pa dang / 'dzin pa dang / gzhan la rgyas par ston par gyur cig ces smon par gyur te/ nga yang rdzu 'phrul gyi mthus byang chub sems dpa' de dag
17b₅ klog pa dang / 'don pa dang / 'dzin pa dang / gzhan la yang rgyas par ston par byin gyis rlob bo/ /ngas kyang mdo sde 'di dag klog pa dang / 'don pa dang / 'dzin pa dang / gzhan la rgyas par ston par 'gyur ba'i phyir/ byang chub sems dpa' de dag la yongs su
17b₆ btams so/ /de ci'i phyir zhe na/ rigs kyi bu dag mdo sde 'di gang na yod pa'i gnas de na sangs rgyas bzhugs par blta ste mya ngan las ma 'das par rig par bya'o/ /de bas na de bzhin gshegs pas mdo sde 'di dag byang chub sems dpa' rnams la btams so/ /
17b₇ rigs kyi bu dag de bas na ngas 'das pa'i dus na yang de lta bu'i rgyu dang rkyen gyis sems can rnams bsdus te ma btang bar rig par bya'o/ /da ltar gyi dus su yang sems can dag bsdus te ma btang ngo / /ma 'ongs pa'i dus na yang sems can yongs su sdud de mi gtong bar rig

_{iiif viewer powered by OpenSeadragon}

17a - 18a

Texts on this page