rKTs

e-texts navigator

Volume

Page

16a₁ 'khor rnams rab tu dga' bar gyur te/ 'dug pa las langs nas sangs rgyas la phyag 'tshal te/ 'di skad du ngo mtshar che'o/ /bcom ldan 'das sangs rgyas bcom ldan 'das kyi rdzu 'phrul gyi mthu bsam gyis mi khyab bo/ /tshad med pa bsam gyis mi khyab
16a₂ pa'i chos lhun gyis grub bo zhes smras so/ /de'i tshe bcom ldan 'das kyis 'khor mang po rnams la bka' stsal pa/ rigs kyi bu dag de bzhin gshegs pas bstan pa'i dngos po 'di dag ngo mtshar che ba ma yin no/ /de ci'i phyir zhe na/ de bzhin gshegs pa chos nyid
16a₃ t hugs su chud pas ba spu'i khung bu gcig nas kyang mngon par shes pa'i rdzu 'phrul gyi mthus 'od zer bkye nas phyogs bcu'i 'jig rten gyi khams gang gA'i klung gi bye ma snyed snang bar mdzad cing chos kyi gsung sgrogs kyang ba spu'i khung bu gcig nas bstan pa'i brgya stong gi cha gcig
16a₄ tsam yang rdzogs pa ma yin te/ de bzhin gshegs pa ni de ltar bsam gyis mi khyab pa'i yon tan lhun gyis grub pa'o/ /rigs kyi bu dag de bzhin gshegs pa ni sems can dag gi bsam pa thugs su chud pas de la chos ston to/ /rigs kyi bu rnams da ltar gyi dus kyi
16a₅ sems can dag ni chos 'di spyod pa la mos pa nyung ngo / /rigs kyi bu dag da ltar gyi dus kyi sems can dag ni chos 'di spyod pa la brtson 'grus rtsom pa nyung ngo / /rigs kyi bu dag da ltar gyi dus kyi sems can dag ni chos 'di la bag byed par spyod pa'ang nyung ngo / /de ci'i phyir zhe
16a₆ na/ dus ngan pa'i sems can dag ni chos 'di la spyod pa'ang rab tu nyung ngo / /de bzhin gshegs pa ni rnyog pa lnga'i 'jig rten ngan par 'byung ngo / /'di lta ste/ sems can gyi rnyog pa dang / lta ba'i rnyog pa dang / tshe'i rnyog pa dang / nyon mongs pa'i rnyog pa dang / bskal
16a₇ pa'i rnyog pa'o/ /rigs kyi bu dag chung ngu na sems can 'ga' zhig shin tu zab mo rnam par dag pa'i chos 'di la yid ches te/ sangs rgyas kyi shes rab la phyin par byed na de ni shin tu ngo mtshar che ba yin na de bzhin gshegs pa'i spyod yul la mos pa lta ci smos/ rigs

_{iiif viewer powered by OpenSeadragon}

15b - 16b

Texts on this page