| e-texts navigator |
| བོད་ཡིག |
14a1 stobs la brtson par 'gyur ro/ /gsum gang zhe na/ mos pa dang / brtson 'grus dang / bag byed pa'o/ /chos rnam pa 'di gsum dang ldan pa'i byang chub sems dpa' sems dpa' chen po rnams yon tan thams cad rdzogs pa'i rnam par dag pa'i
14a2 ye shes kyi stobs la brtson pa yin no/ /de ci'i phyir zhe na/ 'jig rten 'dzin/ mos pa dang / brtson 'grus dang / bag byed pa ni chos thams cad kyi rtsa ba yin pas byang chub sems dpa' sems dpa' chen po rnams rnam par dag pa'i ye shes kyi stobs la nan tan byed pa
14a3 ni myur du thams cad mkhyen pa'i ye shes thob par 'gyur te/ brtson 'grus las phyir mi ldog pa zhes bya'o/ /chos las phyir mi ldog pa zhes bya'o/ /yon tan de nyid myur du 'phel zhing skye ba'am 'thob par 'gyur la/ chos thams cad la rnam par dag pa'i ye shes kyi
14a4 stobs kyang myur du 'thob bo/ /'jig rten 'dzin gang zag gang zhig de ltar chos thams cad la rnam par dag pa'i ye shes kyi stobs thob pa ni 'jig rten gyi bsod nams kyi zhing zhes bya'o/ /gang zag de ni nga'i 'og tu mchod pa'i rnyed pa zhu ba zhes bya'o/ /gang zag de ni de bzhin
14a5 gshegs pa'i spyod yul gyi gnas su phyin pa zhes bya'o/ /gang zag de ni de bzhin gshegs pa'i chos rtogs pa zhes bya'o/ /gang zag des ring po mi thogs par de bzhin gshegs pa'i ye shes chud par 'gyur ro/ /'jig rten 'dzin nga sngon bskal pa tshad med grangs
14a6 med pa'i bar du byang chub sems dpa'i spyad pa spyod pa na/ sangs rgyas mar me mdzad kyis nga la khyod bskal pa grangs med pa 'das nas mngon par 'tshang rgya'o zhes lung bstan te/ ngas de'i tshe nyid na rnam par dag pa'i ye shes kyi stobs de dag kun shes par gyur to/ /'jig
14a7 rten 'dzin gang zag gang zhig chos thams cad la de lta bu'i rnam par dag pa'i ye shes kyi stobs dang ldan par 'gyur ba ni/ gang zag des bla na med pa yang dag par rdzogs pa'i byang chub thob pa na da ltar ngas ji ltar thob pa bzhin no/ /gang zag des chos kyi 'khor lo bskor
iiif viewer powered by OpenSeadragon
Texts on this page
D174 - 'phags pa 'jig rten 'dzin gyis yongs su dris pa zhes bya ba'i mdo