| e-texts navigator |
| བོད་ཡིག |
306a1 ngoms pa dang / gong ma'i khyad par khong du chud pas de la mi chags pa dang / spyi gtsug bltar mi mthong bar bya ba'i phyir nga rgyal med par nyan pa dang / rgyu dang rkyen tshogs pa shin tu mthong ba'i phyir chos thams cad dang 'gal ba med pa dang / 'phags pa'i nor bdun rab tu thob
306a2 pa'i phyir dbul ba med pa dang / bdag la dbang bas rang dbang yod de bran ma yin pa dang / bsod nams dang ye shes kyi tshogs mngon par bsgrubs pa'i mngon par shes pa rnams kyis sems can thams cad kyi nyon mongs pa zhi bar byed pa dang / de bzhin gshegs pa'i rig
306a3 pa dang / rnam par grol ba bsgrubs pas zhi gnas kyi tshogs dang / lhag mthong gi tshogs dang / stong pa nyid dang / mtshan ma med pa dang / smon pa med pa sgom pa'i phyir rnam par thar pa'i sgo gsum gyi sgo mo kun du ston pa dang / sems can thams cad
306a4 snyed kyi ye shes khong du chud pas nang nye bar zhi ba dang / mi skye ba'i chos la bzod pa'i phyir zad pa dang mi skye ba shes pa dang / chos thams cad la nan tan snying por byed cing gnas pa lung bstan pa ste/ bu mo chos sum cu rtsa gnyis po de dag ni theg pa chen po rnam par dag par
306a5 'gyur ba'o/ /theg pa chen po rnam par dag pa'i le'u'i chos kyi rnam grangs 'di bshad pa na lha dang mi'i skye dgu srog chags bdun khri nyis stong ni bla na med pa yang dag par rdzogs pa'i byang chub tu sems bskyed do/ /byang chub sems dpa' khri nyis stong ni mi skye ba'i chos la bzod
306a6 pa rab tu thob par gyur to/ /steng gi bar snang las kyang lha brgya stong gis ca co dang / ga zha'i sgra phyung ste me tog kyang gtor/ sil snyan yang dkrol nas gang theg pa chen po'i yon tan dang bsngags pa bstan pa'i chos kyi sgo'i le'u 'di thos la thos nas kyang mos pa dang mos nas
306a7 kyang len cing 'dzin te/ /yang dag par nan tan byed pa'i sems can de dag ni sangs rgyas kyi yon tan la nges par gnas par 'gyur ro zhes ched du brjod pa de skad ched du brjod do/ /de nas bcom ldan 'das la lha'i dbang po brgya byin dang / mi mjed kyi bdag po tshangs pa dang /
iiif viewer powered by OpenSeadragon
Texts on this page
D169 - 'phags pa theg pa chen po'i man ngag ces bya ba theg pa chen po'i mdo