rKTs

e-texts navigator

Volume

Page

201a₁ ci 'dra ba de dag las bye ba khrag khrig phrag 'bum gyur gyi bkod pa'i khyad par gyis bdud de rnams btul te 'dod par byas nas/ nga rgyal bcag ste/ de dag yang dag par rdzogs pa'i byang chub kyi sems la bkod nas de'i 'og du chos ston to/ /rnam par 'phrul pa'i
201a₂ rgyal po byang chub sems dpa' shes rab ni kun du 'gro bar shes par bya ste/ sbyin pa byin nam len tam/ yongs su sngo ba yang rung shes rab ni kun du 'gro bar shes par bya'o/ /tshul khrims srung ngam/ gzhan dag kyang deng yang dag par 'dzud dam/ yongs su sngo yang rung shes rab nyid
201a₃ yin par shes par bya'o/ /bzod pa sgom mam/ bzod pa la yang dag par 'dzud dam/ bzod pa de byang chub tu yongs su sngo yang rung shes rab nyid yin par shes par bya'o/ /brtson 'grus rtsom mam/ gzhan dag kyang brtson 'grus la yang dag par 'dzud dam/ brtson 'grus de
201a₄ byang chub tu yongs su sngo yang rung shes rab nyid yin par shes par bya'o/ /bsam gtan la snyoms par 'jug gam/ gzhan dag kyang yang dag par 'dzud dam/ bsam gtan de byang chub tu yongs su sngo yang rung shes rab nyid yin par shes par bya'o/ /chos rnams 'dzin tam/ gzhan la ston
201a₅ tam/ ji ltar thos pa'i chos rnams la so sor rtog rung shes rab nyid yin par shes par bya'o/ /thams cad du 'gro ba dang 'ong ba dang / spyod lam thams cad du gom pa 'dor zhing 'jog pa na shes rab nyid yin par shes par bya'o/ /byang chub sems dpa' shes rab kyi stobs can ni thams cad du dge
201a₆ ba'i stobs can du 'gyur ro/ /byang chub sems dpa' shes rab kyi bdag por gyur pa ni thams cad la dbang phyug gi dbang thob par 'gyur ro/ /byang chub sems dpa' shes rab kyi rnam par 'phrul pa ni thams cad du chos thams cad kyi rnam par 'phrul pa rjes su 'thob bo/ /byang chub sems dpa'
201a₇ shes rab kyi mtshon thogs pa ni nyon mongs pa thams cad gcod cing rab tu 'dral lo/ /byang chub sems dpa' shes rab la gnas pa ni chos thams cad kyi gnas yongs su 'dzin to/ /byang chub sems dpa' shes rab kyi 'od byed pa ni sangs rgyas kyi 'od kyi bkod pa 'thob bo/ /byang chub

_{iiif viewer powered by OpenSeadragon}

200b - 201b

Texts on this page