rKTs

e-texts navigator

Volume

Page

200b₁ gi sgra'am/ kyi khyu dang / lha dang klu dang gnod sbyin dang / dri za dbab pa'am/ rgyal po'i rtags dang / mtshan nyid dang / mtshan ma'am/ lo legs pa dang / lo nyes pa'i mtshan ma'am/ gdon rnam par gtse ba shes pa'am/ de las gzhan pa 'jig rten gyi bzo shes pa
200b₂ 'am/ las shes pa'am/ yi ge dang / lag brda dang / grangs dang / brtsi ba dang / ri mo bri ba dang / glu dang / gar dang / pi bang dang / rnga dang / khar dkrol dang / rol mo la 'jug pa'i shes pa gang dag yin pa de dag thams cad byang chub sems dpa' de tshe rjes nas
200b₃ ma bstan par mngon du 'gyur zhing / de dag la de'i shes pa rab tu 'jug go/ /shes rab dang ldan pa rnams la'ang de dag thams cad ston cing thams cad la mthar phyin par 'gyur te/ de bstan bcos dang / sngags dang / rig sngags kyi gnas de dag thams cad kyang rab tu
200b₄ shes la/ sems can thams cad la'ang mi gnod par gnas shing / de dag gis yang dag par yang mi sems so/ /rnam par 'phrul pa'i rgyal po byang chub sems dpa' de shes rab ma nyams par tshangs pa 'bum phrag bcu dang lhan cig tu gnas shing 'dug la smra'o/ /lta
200b₅ bas kyang lta ba ston la/ kha dog gis kyang kha dog ston/ smra bas kyang smra ba ston/ kha dog dang 'od dang gzi brjid kyis kyang kha dog dang 'od dang gzi brjid ston la tshangs pa de dag la chags par yang mi 'gyur/ tshangs pa de dag kyang byang chub sems dpa' de bstsur 'ong zhing de la gus pa
200b₆ skyed do/ /de bzhin du lha'i gnas thams cad du yang bdag po yin par ston la de dag la chags pa yang med/ dga' ba yang mi skyed kyi mi rtag pa'i 'du shes nyid skyed/ sdug bsngal gyi 'du shes nyid skyed/ bdag med pa'i 'du shes nyid skyed/ nye bar zhi ba nyid la rton/ sems
200b₇ can thams cad grol bar byed pa nyid la rton/ byang chub kyi snying po nyid la rton te/ rnam par 'phrul pa'i rgyal po 'di yang shes rab kyi rnam par 'phrul pa'o/ /rnam par 'phrul pa'i rgyal po gzhan yang byang chub sems dpa' shes rab kyi rnam par 'phrul pa ni bdud kyi gnas bkod pa

_{iiif viewer powered by OpenSeadragon}

200a - 201a

Texts on this page