rKTs

e-texts navigator

Volume

Page

200a₁ lags/ rnam par 'phrul pa'i rgyal po lhag pa'i bsam pa'i rtsa ba ni sgyu med pa yin/ gzhi ni sgyu med pa yin/ yang dag par 'du ba yang sgyu med pa yin no/ /sgyu ma mchis pa'i rtsa ba gang lags/ gzhi gang lags/ yang dag par 'du ba gang lags/ rnam par
200a₂ 'phrul pa'i rgyal po sgyu med pa'i rtsa ba ni snying rje chen po yin/ gzhi ni snying rje chen po yin/ yang dag par 'du ba yang snying rje chen po yin no/ /snying rje chen po'i rtsa ba ni gang lags/ gzhi ni gang lags/ yang dag par 'du ba gang lags/ rnam par 'phrul pa'i rgyal po snying rje chen po'i
200a₃ rtsa ba ni sems can thams cad yin/ gzhi ni sems can thams cad yin/ yang dag par 'du ba yang sems can thams cad yin no/ /de ci'i phyir zhe na/ rnam par 'phrul pa'i rgyal po sems can thams cad rab tu dgrol ba'i phyir/ byang chub sems dpa'i snying rje chen po las
200a₄ thams cad mkhyen pa nyid kyi sems skye ba'i phyir te/ rnam par 'phrul pa'i rgyal po 'di yang byang chub sems dpa'i shes rab kyi rnam par 'phrul pa'o/ /rnam par 'phrul pa'i rgyal po gzhan yang byang chub sems dpa'i shes rab kyi rnam par 'phrul pa ni gang chos kyi sgo gcig las brtsams
200a₅ nas bskal pa'am/ bskal pa las lhag par bshad pa gzhan dang / gzhan dag gis 'chad cing 'dug pa na chos gang yang chos nyid dang 'gal bar mi byed de/ de 'dod na lus mi snang bas sems can rnams la chos ston/ spu'i khung bu thams cad nas kyang chos ston pa 'byin/
200a₆ sems can gyi bsam pa dang sbyor ba ji lta ba bzhin du de chos ston pa spobs par byed/ de yid kyi tshul ston pas kyang sems can rnams la chos ston te/ phas kyi rgol ba thams cad kyis mi thub pa yin no/ /phyi rol gyi mngon par shes pa lnga dang ldan pa rnams kyi bstan bcos sam/
200a₇ nyi ma dang / zla ba dang / gza' dang / skar ma shes pa'am/ rmi lam dang mtshan ma shes pa'am/ rig byed dam/ sngags sam/ rig sngags sam/ sgra'am/ mngon par shes pa la 'jug pa'am/ sa g.yo ba'am/ 'gro lding ba'i sngags kyi sbyor ba'am/ bya rog

_{iiif viewer powered by OpenSeadragon}

199b - 200b

Texts on this page