| e-texts navigator |
| བོད་ཡིག |
199b1 pa la spyod pa nyi khri chig stong yod pa de dag gi dbang po brgyad khri bzhi stong de bzhin gshegs pa'i ye shes kyis mkhyen te/ de la de bzhin gshegs pa la ni dbang po thams cad so sor snang ngo / /de'i rjes su 'brel pa ni byang chub sems dpa' la so sor snang ste/ de ni
199b2 spobs pa so so yang dag par rig pa zhes bya'o/ /rnam par 'phrul pa'i rgyal po de la don so so yang dag par rig pa gang yin pa dang / chos so so yang dag par rig pa gang yin pa dang / nges pa'i tshig so so yang dag par rig pa gang yin pa dang / spobs pa so so yang
199b3 dag par rig pa gang yin pa dang / byang chub sems dpa'i so so yang dag par rig pa de dag thams cad kyi rtsa ba ni shes rab yin/ gzhi shes rab yin/ shes rab tu yang dag par 'du ba yin te/ byang chub sems dpa' shes rab can ni rnam par 'phrul pa 'di dag dang /
199b4 gzhan dag kyang rnam par byed do/ /bcom ldan 'das shes rab kyi rtsa ba gang lags/ gzhi gang lags/ yang dag par 'du ba gang lags/ rnam par 'phrul pa'i rgyal po shes rab kyi rtsa ba thos pa/ gzhi thos pa/ thos par yang dag par 'du ba'o/ /thos pa'i rtsa ba
199b5 gang lags/ gzhi gang lags/ yang dag par 'du ba gang lags/ rnam par 'phrul pa'i rgyal po thos pa'i rtsa ba ni dge ba'i bshes gnyen yin/ gzhi ni dge ba'i bshes gnyen yin/ yang dag par 'du ba dge ba'i bshes gnyen yin no/ /dge ba'i bshes
199b6 gnyen gyi rtsa ba gang lags/ gzhi gang lags/ yang dag par 'du ba gang lags/ rnam par 'phrul pa'i rgyal po dge ba'i bshes gnyen gyi rtsa ba ni gus pa yin/ gzhi ni gus pa yin/ yang dag par 'du ba yang gus pa yin no/ /gus pa'i rtsa ba gang lags/ yang dag
199b7 par 'du ba gang lags/ rnam par 'phrul pa'i rgyal po gus pa'i rtsa ba ni lhag pa'i bsam pa yin/ gzhi ni lhag pa'i bsam pa yin/ yang dag par 'du ba yang lhag pa'i bsam pa yin no/ /lhag pa'i bsam pa'i rtsa ba gang lags/ yang dag par 'du ba gang
iiif viewer powered by OpenSeadragon
Texts on this page
D167 - 'phags pa rnam par 'phrul ba'i rgyal pos zhus pa zhes bya ba theg pa chen po'i mdo