rKTs

e-texts navigator

Volume

Page

197a₁ bdud kyi las las yang dag par 'das la/ bdud bzhi dang lta ba thams cad dang bral zhing skye ba med pa la bzod pa nyams su blang ngo snyam pa de ni/ nga rgyal gyi las so/ /bdag gis byang chub rtogs nas/ chos kyi 'khor lo bskor
197a₂ te/ sems can rnams thar par byas nas/ phung po'i lhag ma med pa'i mya ngan las 'das pa'i dbyings su yongs su mya ngan las bzla'o snyam du gang rlom sems su byed cing / rnam par rtog pa de dag thams cad ni nga rgyal gyi las te/ rnam par 'phrul pa'i
197a₃ rgyal po/ ji tsam du yid nye bar spyod pa dang / sems mtho ba dang / dma' ba dang / rnam par shes par brtags pa de tsam du nga rgyal gyi las so/ /rnam par 'phrul pa'i rgyal po/ de la ye shes kyi las gang zhe na/ gang la yid kyi nye bar spyod pa med/
197a₄ sems kyi med/ rnam par shes pa'i med pa de ni ye shes kyi las te/ de ye shes kyis byas pa'i las rnams kyang byed do/ /byang chub sems dpa'i las kyang gang zhe na/ gang byang chub sems dpas bya ba ste/ byang chub sems dpa'i las ni rnam
197a₅ pa gnyis so/ /gnyis gang zhe na/ 'di lta ste/ sems can thams cad yongs su smin par bya ba dang / dam pa'i chos yongs su gzung ba'o/ /de bdag ji ltar shes pa de bzhin du/ sems can rnams yongs su smin par byed de/ bdag
197a₆ kyang ji ltar shes zhe na/ bdag ni gnas med par shes te/ gang bdag gnas med par shes pa de la yang yid med/ rnam par shes pa med/ sems med/ de de ltar sems can rnams yongs su smin par byed do/ /dam pa'i chos
197a₇ kyang ji ltar yongs su 'dzin ce na/ gang chos thams cad yongs su 'dzin pa med pa ste/ 'di ni dam pa'i chos yongs su 'dzin pa'o/ /gzugs yongs su 'dzin pa ni dam pa'i chos yongs su 'dzin pa ma yin/ tshor ba dang / 'du shes dang / 'du

_{iiif viewer powered by OpenSeadragon}

196b - 197b

Texts on this page