rKTs

e-texts navigator

Volume

Page

196b₁ pa'i brtson 'grus su gyur pa de tsam du nga rgyal gyi las so/ /ji tsam du rtog pa dang / rnam par rtog pa dang / yongs su rtog pa'i bsam gtan du gyur pa de tsam du nga rgyal gyi las so/ /ji tsam du bdag dang bdag gir byed pas bskyed pa'i shes rab tu
196b₂ gyur pa de tsam du nga rgyal gyi las so/ /bdag ni byang chub sems dpa'o snyam pa de ni nga rgyal gyi las so/ /bdag ni byang chub tu zhugs so snyam pa de ni nga rgyal gyi las so/ /bdag ni sangs rgyas dang / chos dang / dge 'dun gyi tshul mi gcod
196b₃ do snyam pa de ni nga rgyal gyi las so/ /bdag ni sems can gyi don la yang dag par zhugs so snyam pa de ni nga rgyal gyi las so/ /bdag gis sems can ma rgal ba bsgral lo snyam pa dang / ma grol ba dgrol lo snyam pa dang / dbugs ma phyin
196b₄ pa dbugs dbyung ngo snyam pa dang / yongs su mya ngan las ma 'das pa yongs su mya ngan las bzla'o snyam pa de ni/ nga rgyal gyi las so/ /bdag ni sbyin pa'i bdag po'o/ /bdag ni tshul khrims dang / bzod pa dang / brtson 'grus dang /
196b₅ bsam gtan dang / shes rab dang ldan no snyam pa de ni nga rgyal gyi las so/ /bdag ni byams pa dang / snying rje dang / dga' ba dang / btang snyoms la gnas so snyam pa de ni nga rgyal gyi las so/ /bdag ni 'dod pa chung ba/ chog shes
196b₆ pa/ rab tu dben pa la dga' ba'o snyam pa de ni nga rgyal gyi las so/ /bdag ni sbyin gnas smra ba/ bdag ni dgon pa pa yo byad bsnyungs pa'o snyam du rlom sems su byed cing rnam par rtog pa de ni nga rgyal gyi las so/ /bdag ni stong pa nyid dang /
196b₇ mtshan ma med pa dang / smon pa med pa la gnas pa'o snyam pa de ni/ nga rgyal gyi las so/ /bdag ni bden par smra ba'o/ /yang dag par smra ba'o/ /ji ltar smras pa de ltar byed pa'o snyam pa de ni/ nga rgyal gyi las so/ /bdag ni

_{iiif viewer powered by OpenSeadragon}

196a - 197a

Texts on this page