| e-texts navigator |
| བོད་ཡིག |
195b1 sam/ 'jig rten pa dang / 'jig rten las 'das pa dag mi dmigs pa de ni lam zhes bya'o/ /chos thams cad tha dad pa med pa'i phyir lam mnyam pa nyid do/ /nyon mongs pa thams cad kyis yongs su gdung ba med pa'i phyir lam rab tu zhi ba'o/ /ngan 'gro
195b2 thams cad dang bral ba'i phyir lam nye bar zhi ba'o/ /zag pa thams cad yongs su zad pa'i phyir lam zag pa med pa'o/ /lam de ni dmigs par lta ba thams cad kyis bgrod par bya ba ma yin pa'o/ /lam de ni rnal 'byor spyod pa yang dag par zhugs pa rnams
195b3 kyis rtogs sla ba'o/ /lam de ni sngon gyi de bzhin gshegs pa rnams bzhud cing rjes su bzhud pa'o/ /lam de ni mtshan mar rnam par rtog pa thams cad spangs pa'i phyir mtshan ma med pa'o/ /lam gang gis gnyis dang mtshan mar mi ltung ba de ni lam zhes bya
195b4 ste/ gang gi tshe byang chub sems dpa' bden pa bzhi po gang dag la tshul 'dis rtogs pa de ni bden pa shes pa zhes bya'o/ /bden pa bzhi po 'di rnams nyan thos kyi theg pa pa rnams dang / rang sangs rgyas kyi theg pa pa rnams ston la/ theg pa de dag la
195b5 yang 'dod par mi byed pa de ni bden pa shes pa'i rnam par 'phrul pa zhes bya'o/ /rnam par 'phrul pa'i rgyal po gzhan yang shes pa'i rnam par 'phrul pa ni gang nyan thos kyi theg pa yang shes la/ de la gnas par shes pa yang ma yin pa dang / rang
195b6 sangs rgyas kyi theg pa pa yang shes la/ de la gnas par shes pa yang ma yin pa dang / rang sangs rgyas kyi theg pa yang shes la/ de la gnas par shes pa ni shes pa'i rnam par 'phrul pa zhes bya'o/ /gzhan yang shes pa'i rnam par 'phrul
195b7 pa ni gang shes pa gcig gis sems can thams cad kyi sems shes pa dang / sems kyi ngo bo nyid gcig gis sems can kyi sems kyi ngo bo nyid shes la/ sems dang shes pa la gnyis su yang mi 'jug pa'o/ /gzhan yang shes pa'i rnam par
iiif viewer powered by OpenSeadragon
Texts on this page
D167 - 'phags pa rnam par 'phrul ba'i rgyal pos zhus pa zhes bya ba theg pa chen po'i mdo