rKTs

e-texts navigator

Volume

Page

194b₁ yongs su rtog par mthong bas mthong gi chos kyi sku gnyis su med par mthong bas ni ma yin no/ /rnam par 'phrul pa'i rgyal po khyod mos par bya'o/ /khyod kyis khong du chud par bya'o/ /ngas byang chub kyi sems bskyed tshun cad de bzhin gshegs pa
194b₂ mar me mdzad ma gtogs par nam yang de bzhin gshegs pa ma mthong ngo / /de ci'i phyir zhe na/ gzugs kyi mtshan nyid mthong bas de bzhin gshegs pa mthong ba rnam par dag par ma yin pa'i phyir ro/ /rnam par 'phrul pa'i rgyal po de bas na/ de
194b₃ bzhin gshegs pa mthong bar 'dod pas ji ltar ngas chos nyid gcig pa dang / chos nyid gnyis su med par mar me mdzad mthong ba de ltar blta bar bya'o/ /ji ltar chos nyid gcig pa yin zhe na/ nga'i lus ji lta ba mar me mdzad kyi sku yang de bzhin/
194b₄ mar me mdzad kyi sku ji lta ba sems can thams cad kyi lus kyang de bzhin te/ de bas na lus gcig pa dang / gnyis su med pa dang / gnyis su dbyer med pa ste/ 'di lta ste/ mtshan nyid med pa'i phyir chos nyid gcig pa shes par bya'i/
194b₅ rnam par brtags pas shes par mi bya'o/ /rnam par 'phrul pa'i rgyal po 'di ni rten cing 'brel par 'byung ba mthong ba zhes bya ste/ rten cing 'brel par 'byung ba mthong bas chos mthong / chos mthong bas kyang sangs rgyas mthong ngo / /gang yang sems
194b₆ skyed pa thams cad la 'gog pa mngon du byed kyang yongs su mya ngan las mi 'da' zhing mi skye ba dang dmigs su med pa'i phyir thabs shes pas 'khor ba ston pa 'di ni de'i shes pa'i rnam par 'phrul pa'o/ /de la bden pa shes pa gang zhe na/ bden pa mngon par
194b₇ rtogs pa gang gis nyan thos kyi rnam par grol ba la reg par byed cing / bden par rtogs pa de nyid byang chub sems dpas mngon par rtogs par byas nas/ rnam par grol ba la yang reg par mi byed pa 'di ni de'i shes pa'i rnam par 'phrul pa'o/ /bden

_{iiif viewer powered by OpenSeadragon}

194a - 195a

Texts on this page