| e-texts navigator |
| བོད་ཡིག |
194a1 khrims su mthong ba ma yin/ ting nge 'dzin du ma yin/ shes rab tu ma yin/ rnam par grol bar ma yin/ rnam par grol ba'i ye shes mthong ba ma yin/ 'das par yang ma yin/ ma 'ongs par yang ma yin/ da ltar
194a2 byung bar mthong ba ma yin te/ gang de ltar mthong ba de ni de bzhin gshegs pa mthong ba'o/ /de nas bcom ldan 'das la byang chub sems dpa' rnam par 'phrul pa'i rgyal pos 'di skad ces gsol to/ /bcom ldan 'das gang chos rnams mthong ba des
194a3 de bzhin gshegs pa mthong bar 'gyur ba'i rnam grangs mchis lags sam/ bcom ldan 'das kyis bka' stsal pa/ rnam par 'phrul pa'i rgyal po yod do/ /de ci'i phyir zhe na/ gzugs mi zad pa'i mtshan nyid/ skye ba med pa'i rang bzhin can
194a4 te/ gang gzugs de ltar mthong ba de ni de bzhin gshegs pa mthong ba'o/ /tshor ba dang / 'du shes dang / 'du byed rnams dang / rnam par shes pa ni zad pa'i mtshan nyid/ skye ba med pa'i rang bzhin can te/ gang rnam par shes pa de
194a5 ltar mthong ba de ni de bzhin gshegs pa mthong ba'o/ /tshul khrims ni mngon par 'du mi byed pa'i mtshan nyid 'dus ma byas pa ste/ gang tshul khrims de ltar mthong ba de ni/ de bzhin gshegs pa mthong ba'o/ /ting nge 'dzin de ni mnyam pa mthong
194a6 ba rnam par dag pa'o/ /de ltar ngas de bzhin gshegs pa mar me mdzad kyi tshe mthong ba rnam par dag go/ /der ngas rten cing 'brel par 'byung ba mthong bas chos mthong / chos mthong bas kyang de bzhin gshegs pa mthong bar gyur to/ /de nas
194a7 byang chub sems dpa' rnam par 'phrul pa'i rgyal pos gsol pa/ bcom ldan 'das kyis mar me mdzad kyi pha rol tu de bzhin gshegs pa dag gzigs pa ji ltar gzigs/ bcom ldan 'das kyis bka' stsal pa/ gzugs kyi mtshan nyid
iiif viewer powered by OpenSeadragon
Texts on this page
D167 - 'phags pa rnam par 'phrul ba'i rgyal pos zhus pa zhes bya ba theg pa chen po'i mdo