rKTs

e-texts navigator

Volume

Page

192b₁ shi skyed do snyam du mi sems te/ rnam par 'phrul pa'i rgyal po gang gi tshe byang chub sems dpa' de ltar rten cing 'brel par 'byung ba la so sor rtog pa ni/ de las chad par lta ba'am/ rtag par lta ba'i lta ba gnyis la gnas par mi 'gyur ro/ /de 'di snyam du chos 'di
192b₂ dag thams cad ni rgyu dang rkyen la rag las pa'o snyam du sems shing / de rgyu dang rkyen de dag tshol te btsal na yang mi rnyed do/ /de nas rten cing 'brel par 'byung ba la mnyam par 'jug go/ /shes pa ji lta bu zhig 'jug ce na/ rten cing 'brel par 'byung ba dang skye ba med
192b₃ par mnyam pa ste/ stong pa nyid gang dang mnyam pa rten cing 'brel par 'byung ba yang de dang mnyam/ mtshan ma med pa gang dang mnyam pa rten cing 'brel par 'byung ba yang de dang mnyam/ smon pa med pa gang dang mnyam pa rten cing 'brel par 'byung ba yang de dang mnyam mo/ /
192b₄ mnyam pa de nyid gang gis de bzhin gshegs pas chos thams cad mngon par rdzogs par sangs rgyas pa de rten cing 'brel par 'byung ba dang mnyam mo/ /rten cing 'brel par 'byung ba gang mnyam pa de la bdag skye ba med/ sems can skye ba med/ srog skye ba med/
192b₅ gang zag skye ba med la chos gang yang skye ba med de/ de bas na rten cing 'brel par 'byung ba zhes bya'o/ /rten cing 'brel par 'byung ba ni 'byung ba med par blta bar bya ste/ gang 'byung ba med par shes pa de ni rten cing 'brel par 'byung ba shes pa yin mod kyi yang ma
192b₆ rig pa dang / rig pa de gnyis su med cing gnyis su dbyer med de/ gang de shes pa de ni rten cing 'brel par 'byung ba shes pa'o/ /'du byed dang / 'du byed ma yin pa de dag gnyis su med cing gnyis su dbyer med de/ gang de shes pa de ni rten cing 'brel par
192b₇ 'byung ba shes pa'o/ /rnam par shes pa dang / rnam par shes pa ma yin pa de ni gnyis su med cing gnyis su dbyer med de/ gang de shes pa de ni rten cing 'brel par 'byung ba shes pa'o/ /ming dang gzugs dang / ming dang gzugs med pa de ni gnyis su med cing

_{iiif viewer powered by OpenSeadragon}

192a - 193a

Texts on this page