| e-texts navigator |
| བོད་ཡིག |
191b1 ba dang / sna dang / lce dang / lus dang / yid kyang rang bzhin las ma skyes shing ma byung ba ste/ de la byed pa po gang yang med do/ /rnam par 'phrul pa'i rgyal po mig ni bdag po med pa ste/ de la lta ba po gang yang med do/ /rna ba ni bdag po med pa ste/
191b2 de la nyan pa po gang yang med do/ /sna ni bdag po med pa ste/ de la mnom pa po gang yang med do/ /lce ni bdag po med pa ste/ de la myong ba po gang yang med do/ /lus ni bdag po med pa ste/ de la reg pa po gang yang med do/ /yid ni bdag po med pa ste/
191b3 de la shes pa po gang yang med do/ /rnam par 'phrul pa'i rgyal po mig gi rang bzhin gzugs mi mthong / rna ba'i rang bzhin sgra mi nyan/ sna'i rang bzhin dri mi snom/ lce'i rang bzhin ro myong bar mi byed/ lus kyi rang bzhin reg bya la reg par mi byed/ yid
191b4 kyi rang bzhin chos shes par mi byed do/ /de ci'i phyir zhe na/ mig ni byed pa po med pa ste/ rtswa dang / shing dang / rtsig pa dang / gyo mo lta bu yin pa dang / de bzhin du rna ba dang / sna dang / lce dang / lus dang / yid ni byed pa med pa ste/ rtswa dang /
191b5 shing dang / rtsig pa dang / gyo mo lta bu yin pa'i phyir ro/ /rnam par 'phrul pa'i rgyal po mig ni chags pa yang ma yin chags pa med pa yang ma yin no/ /de ci'i phyir zhe na/ mig ni rang bzhin gyis chags pa med pa'i phyir ro/ /rnam par 'phrul pa'i rgyal po rna ba
191b6 dang / sna dang / lce dang / lus dang / yid ni chags pa yang ma yin/ chags pa med pa yang ma yin no/ /de ci'i phyir zhe na/ yid ni rang bzhin gyis chags pa med pa'i phyir ro/ /rnam par 'phrul pa'i rgyal po skye mched thams cad la gang de ltar rab tu shes
191b7 shing shes nas kyang chags pa med pa de ni skye mched shes pa zhes bya'o/ /gang phung po dang / khams dang / skye mched rnams la de ltar shes nas skye ba med pa dang / 'byung ba med pa dang / shin tu mya ngan las 'da' bar gyur kyang skye zhing 'byung la phung po dang khams
iiif viewer powered by OpenSeadragon
Texts on this page
D167 - 'phags pa rnam par 'phrul ba'i rgyal pos zhus pa zhes bya ba theg pa chen po'i mdo