rKTs

e-texts navigator

Volume

Page

190a₁ chab kyi char 'bab par snang ngo / /sems can thams cad kyi mdun na yang bdag gi lus nye bar ston te/ brgya byin du ston pa'am/ tshangs par ston pa'am/ nyan thos su ston pa'am/ rang sangs rgyas su ston pa'am/ sangs rgyas su ston pa ji
190a₂ ltar mos pa'i gzugs su ston to/ /rnam par 'phrul pa'i rgyal po de ni byang chub sems dpa' rnams kyi mngon par shes pa'i rnam par 'phrul pa ste/ 'di lta ste/ lha'i mig gzugs lta ba la thogs pa med pa dang / lha'i rna bas nyan pa la sgrib pa med pa dang /
190a₃ sems can thams cad kyi sems kyi spyod pa shes pa la thogs pa med pa'i shes pa nyid dang / bskal pa grangs med pa rjes su dran zhing bskal pa grangs med par gnas pa la thogs pa med pa/ sgrib pa med pa dang / thams cad nye bar ston cing / len pa med pa dang /
190a₄ dor ba med par byed pa 'di ni mngon par shes pa'i rnam par 'phrul pa zhes bya ste/ rnam par 'phrul pa'i rgyal po sangs rgyas thams cad bstan par bya ba'i phyir mngon par shes pa gang yin pa dang / sems can thams cad mchog ma yin pa shes pa'i mngon par shes pa gang
190a₅ yin pa dang / nyan thos kyi theg pas 'dul ba'i mngon par shes pa gang yin pa dang / rang sangs rgyas kyi theg pas 'dul ba'i mngon par shes pa gang yin pa dang / theg pa chen pos 'dul ba'i mngon par shes pa gang yin pa dang / 'chi 'pho ba dang skye ba dag
190a₆ shes pa'i mngon par shes pa gang yin pa dang / sems can yongs su smin par bya ba shes pa'i mngon par shes pa gang yin pa dang / mngon par 'byung ba yang dag par shes pa spyod pa dag mngon par shes pa gang yin pa dang / thabs mkhas pa mngon par shes pa gang
190a₇ yin pa dang / sbyin pa yongs su bsngo ba'i mngon par shes pa gang yin pa dang / tshul khrims dang / bzod pa dang / brtson 'grus dang / bsam gtan dang / shes rab yongs su bsngo ba dang / bdud tshar gcod pa dang / dge ba'i rtsa ba la sbyor ba mngon

_{iiif viewer powered by OpenSeadragon}

189b - 190b

Texts on this page