rKTs

e-texts navigator

Volume

Page

187b₁ ldan pas 'du byed du gtogs pa rnams rmi lam lta bur mos par byed de/ 'di lta ste/ dper na rmi lam na skye ba dang / 'chi ba dang / bde ba dang sdug bsngal rmi ba de bzhin du 'du byed thams cad la mos par byed do/ /de de ltar mos pas 'khor ba las skyo bar mi 'gyur la/
187b₂ sems can thams cad la yang snying rje bar 'gyur ro/ /chos thams cad la bcos ma 'du shes su 'gyur te/ de 'di snyam du bdag bskal pa stong phrag 'di snyed gcig tu 'khor bar gyur pa de yang dag par ma yin zhing med pa'o/ /'byung ba chen po rnams ni med pas
187b₃ gang na 'byung ba chen po rnams mi srid pa'i sems can thams cad kyi 'khor ba yang de bzhin te/ yang dag pa ma yin zhing med pa'o snyam du mi sems so/ /rnam par 'phrul pa'i rgyal po byang chub sems dpa' de sngon gyi gnas rjes su dran la de 'byung ba rnams dang / 'du
187b₄ byed rnams mi rtag pa nyid du mthong ste/ de ci'i phyir zhe na/ de ni 'khor los sgyur ba'i bde ba rjes su dran pa de yang mi rtag pa dang 'gyur ba'i chos can yin/ brgya byin gyi bde ba rjes su dran la de yang mi rtag pa dang 'gyur ba'i chos can yin/ tshangs pa'i bde ba rjes su dran
187b₅ la de yang mi rtag pa dang 'gyur ba'i chos can yin no/ /sngon gyi sangs rgyas bcom ldan 'das rnams kyi zhing gi yon tan bkod pa dang / nyan thos kyi yon tan bkod pa dang / byang chub sems dpa'i yon tan bkod pa nye bar spyod pa dang / yongs su spyod pa rjes su dran
187b₆ zhing sangs rgyas bcom ldan 'das de dag gi gzugs kyi sku phun sum tshogs pa dang / chos kyi 'khor lo bskor ba phun sum tshogs pa yang rjes su dran no/ /de de ltar rjes su dran pa ni 'dus byas kyi dngos po thams cad dang / yongs su 'dzin pa thams cad la mi lta ba'i 'du
187b₇ shes pa yin no/ /de ci'i phyir zhe na/ 'di ltar de 'di snyam du sangs rgyas kyi zhing rgya chen po dang / sangs rgyas kyi gzugs kyi sku de dag kyang zad pa'i chos nyid kyi zad pa yin te/ de bas na bdag gi yongs su gzung ba 'di yang mi rtag go snyam du sems shing / de

_{iiif viewer powered by OpenSeadragon}

187a - 188a

Texts on this page