rKTs

e-texts navigator

Volume

Page

185b₁ pa de yin pa'i phyir te/ de'i phyir tshig zhes bya'o/ /chos thams cad ni tshig med pa tshig tu brjod pa med pa'o/ /de la ngas tshig brjod pa med pa'o/ /de la ngas tshig brjod pa gang yin pa de ni tshig med pa ste/ brjod pa ma skyes shing yang dag pa ma
185b₂ yin pa'i phyir brjod pa med pa'o/ /de ci'i phyir zhe na/ gang brjod pa'i mtshan nyid de ni sangs rgyas kyi tshig ma yin te/ brjod du med pa ni sangs rgyas kyi tshig yin pa'i phyir ro/ /de bas na sangs rgyas kyi tshig ces bya'o/ /gang sangs rgyas kyi tshig la 'jug pa de ni tshig
185b₃ med pa la 'jug pa'o/ /gal te tshig la 'jug na sangs rgyas kyi tshig la 'jug pa ma yin no/ /rnam par 'phrul pa'i rgyal po sangs rgyas kyi tshig la 'jug par 'dod pas tshig gang gis gang zag ces bya ba'am/ chos zhes bstan par gyur pa de tshig tu blta bar mi
185b₄ bya'o/ /de ci'i phyir zhe na/ gang la gnyis yod pa de sangs rgyas kyi tshig ma yin pa'i phyir te/ sangs rgyas kyi tshig ni gnyis su med pa'o/ /gang la sgra yod pa de ni sangs rgyas kyi tshig ma yin te/ sangs rgyas kyi tshig ni sgra med pa'o/ /gang la brjod pa yod pa de ni sangs
185b₅ rgyas kyi tshig ma yin te/ sangs rgyas kyi tshig ni brjod pa med pa'o/ /rnam par 'phrul pa'i rgyal po de lta bas na byang chub sems dpa' gang sangs rgyas kyi tshig la zhugs pa de ni mngon par shes pa thob pa zhes bya ste/ de lha'i rna ba des sgra thams cad chos nyid dang 'thun par
185b₆ sangs rgyas kyi byang chub rtog par byed do/ /rnam par 'phrul pa'i rgyal po 'di lta ste lha'i rna ba 'di ni byang chub sems dpa'i mngon par shes pa gnyis pa'o// //'phags pa rnam par 'phrul pa'i rgyal pos zhus pa/ bam po gnyis pa/ rnam par 'phrul pa'i
185b₇ rgyal po gzhan yang byang chub sems dpa' pha rol gyi sems shes pa'i mngon par shes pa 'thob cing sems kyis sems can gzhan dag dang / gang zag gzhan rnams kyi sems rab tu shes te/ 'khor gang dang gang du chos 'chad du 'gro bar de dang po nyid du sems

_{iiif viewer powered by OpenSeadragon}

185a - 186a

Texts on this page