rKTs

e-texts navigator

Volume

Page

185a₁ shes pa'i rjes su mi rgyug kyang gzhan dag la rnam par shes pa de ston te/ de la mtshan mar yang mi 'dzin cing de rnam par shes pa la ye shes so zhes kun tu skyed de/ rnam par shes pa'am/ ye shes la mngon par zhen par yang mi 'gyur ro/ /rnam
185a₂ par shes pa de kho na la mngon par zhen pas ye shes kyi de kho na mi brjod do/ /rnam par 'phrul pa'i rgyal po byang chub sems dpa' gang ye shes la rton pa de ni rnam par shes pa dang lhan cig mi gnas so/ /sems can gzhan dag la rnam par shes pa ma yin par yang
185a₃ chos mi 'chad do/ /rnam par 'phrul pa'i rgyal po 'di ni byang chub sems dpa'i mngon par shes pa'i rnam par 'phrul pa yin te/ lha'i rna ba thob pa des ye shes kyi dbyings 'di rtogs par 'gyur ro/ /rnam par 'phrul pa'i rgyal po byang chub sems dpa' de gang zag gi
185a₄ tshig dang ldan pa'i chos nyan cing chos nyid la rton gyi gang zag la mi rton to/ /de ci'i phyir zhe na/ rnam par 'phrul pa'i rgyal po gal te legs par gsungs pa'i chos 'dul ba 'di la gang zag yod par gyur na sems can gang yang shin tu dag pa dang thar bar mi
185a₅ 'gyur ba'i phyir ro/ /rnam par 'phrul pa'i rgyal po de lta bas na chos thams cad gang zag med mod kyi de bzhin gshegs pa ni 'jig rten gyi tha snyad du gang zag ces gsungs so/ /de bas na byang chub sems dpa' chos la rton pa yin gyi gang zag la rton pa ma yin no/ /
185a₆ rnam par 'phrul pa'i rgyal po chos zhes bya ba de ni chos kyi dbyings kyi tshig so/ /rnam par 'phrul pa'i rgyal po chos kyi dbyings zhes bya ba de ni skye ba med pa'i dbyings kyi tshig so/ /rnam par 'phrul pa'i rgyal po skye ba med pa zhes bya ba de ni 'byung ba med
185a₇ pa'i tshig so/ /rnam par 'phrul pa'i rgyal po 'byung ba med pa zhes bya ba de ni brjod du med pa'i tshig so/ /de ci'i phyir zhe na/ tshig gang dang gang gis chos gang dang gang brjod pa'i chos de dang de tshig de la yod pa ma yin la/ gang yod pa ma yin

_{iiif viewer powered by OpenSeadragon}

184b - 185b

Texts on this page