| e-texts navigator |
| བོད་ཡིག |
184a1 bzhugs la 'tsho zhing gzhes te/ chos kyang ston pa de dag gis chos bstan pa de dag thams cad kyang de'i rna bas thos par 'gyur ro/ /de la sgrib pa'am kun nas dkris te 'dug par yang mi 'gyur la/ chos bstan pa de dag thams cad
184a2 thos shing ji ltar thos pa yang 'dzin to/ /zin nas kyang chos gang yang mi brjed do/ /ji ltar na de gang yang mi brjed ce na/ de ni tshig 'ga' yang ma rtogs par mi 'gyur bas de ltar na mi brjed do/ /chos gang dag zag pa dang bcas pa dang / zag pa med pa'am/
184a3 'dus byas dang 'dus ma byas sam/ 'jig rten pa dang / 'jig rten las 'das pa'am/ dge ba dang / mi dge ba'am/ kha na ma tho ba dang bcas pa dang / kha na ma tho ba med pa rnams sam/ nyan thos kyi theg pa dang ldan pa'am/ rang sangs rgyas kyi
184a4 theg pa dang ldan pa rnams sam/ theg pa chen po dang ldan pa rnams thos nas/ 'di lta ste/ dben pa'i dbyings ro gcig pa nyid kyi phyir chos de dag thams cad chos gcig gi ngo bo nyid kyi ro yin par 'jug go/ /de chos nyan cing 'chad kyang yul thams cad la mi
184a5 'chags so/ /chos kyang nyan mod kyi mtshan ma thams cad dang yang lhan cig tu mi gnas so/ /de chos la rten pa yin gyis chos ma yin pa la mi rten to/ /de la chos gang zhe na/ chos zhes bya ba ni 'dod chags dang bral ba'o/ /chos zhes bya ba ni mtshan ma med pa'o/ /
184a6 chos zhes bya ba ni 'dus ma byas pa'o/ /chos zhes bya ba ni mtha' yas pa/ dpe med pa/ mi 'gyur ba/ dmigs su med pa/ mi skye ba/ ma skyes pa ste/ gang chos de lta bu la rlom sems med pa dang / rtog pa med pa dang / 'du shes dang / yid kyi 'du
184a7 byed spros pa med pa dang / blang ba med pa dang / dor ba med pa de ni chos zhes bya'o/ /de don la rton pa yin gyi tshig 'bru la rton pa ma yin/ tshig 'bru spong bas don la rton pa yang ma yin no/ /de don la 'bab pa'i blos chos nyan te/ ji ltar na don la 'bab pa'i blo
iiif viewer powered by OpenSeadragon
Texts on this page
D167 - 'phags pa rnam par 'phrul ba'i rgyal pos zhus pa zhes bya ba theg pa chen po'i mdo