rKTs

e-texts navigator

Volume

Page

183b₁ ro/ /de ci'i phyir zhe na/ 'di ltar byang chub sems dpa' des bdag med pa'i de kho na shes pa'i phyir ro/ /de 'dod na gzugs na spyod pa'i lha'i lus phra ba/ lus bzang ba/ lus 'od gsal ba/ lus mi snang ba/ gang dag yin pa'i lha de dag gi mdun na yang byang chub
183b₂ sems dpa' rang gi lus nye bar ston to/ /lha'i bu de dag gis kyang de'i lus mthong / des kyang de dag gi lus mthong ngo / /'dod na de'i lus lha rnams kyis mthong la/ rang gi lus mi mthong ngo / /de 'dod na lha'i bu de dag rang gi lus mthong la/ de'i lus mi mthong
183b₃ ste/ de lha'i mig de lta bu dang ldan par 'gyur ro/ /de lha'i rna ba dang ldan par gyur te/ 'di la 'jig rten gyi khams mtha' yas mu med pa dag na sgra ji snyed yod pa lha'i sgra'am/ klu dang / gnod sbyin dang / dri za'i sgra'am/ lha ma yin dang / nam mkha' lding dang /
183b₄ mi'am ci dang / lto 'phye chen po'i sgra'am/ mi dang mi ma yin pa'i sgra de dag thams cad de'i lha'i rna ba'i dbang po de la grags par 'gyur ro/ /de sgra de dag thams cad thos kyang sgra tha dad par mi byed la/ sgra thams cad kyang smrar med par mos so/ /brjod du med par
183b₅ mos so/ /de sgra de dag kyang bdag tu 'du shes sam/ sems can du 'du shes sam/ sgrar 'du shes mi 'jug la/ sgra thams cad thog ma'i mtha' dang tha ma'i sgrar brjod pa med par rab tu rtogs shing chos thams cad brjod du med par yid ches so/ /de'i rna ba'i
183b₆ dbang po'i rnam par shes pa'i khams sgrib pa med par 'gyur te/ sgra de dag thos nas kyang sgra de dag gi don gang yin pa de rab tu shes so/ /sgra rnams kyi don gang zhe na/ sgra thams cad kyi don ni brjod du med pa'i don to/ /smrar med pa'i don to/ /sgra thams cad kyi don
183b₇ ni nye bar zhi ba'i don to/ /de don des don la rton par 'gyur ro/ /sgra thams cad kyang thos la chos thams cad ma skyes pa'i phyir gang la yang gnas par mi byed do/ /phyogs bcu'i 'jig rten gyi khams grangs med pa dag na sangs rgyas bcom ldan 'das gang dag

_{iiif viewer powered by OpenSeadragon}

183a - 184a

Texts on this page