rKTs

e-texts navigator

Volume

Page

182a₁ slob mar khas blangs nas 'di skad ces smras so/ /bdag ni dge slong khyed la skyabs su mchi'o/ /des de la 'di skad ces smras so/ /khyod kho bo la skyabs su ma 'gro bar de bzhin gshegs pa 'od dri ma med pa'i 'od zer gyi rgyal po gang gis chos
182a₂ 'di lta bu bstan pas khyod de nyid la skyabs su song shig / des de la 'di skad ces smras so/ /kye da de bzhin gshegs pa de'i thad du bzhud kyis tshur spyon/ de nas dge slong rdo rje'i lte ba bdud rnam par gnon pa dang / bdud brgyad khri bzhi stong po de dag dang
182a₃ 'grogs te/ bcom ldan 'das 'od dri ma med pa'i 'od zer gyi rgyal po de bzhin gshegs pa ga la ba der dong nas lhags pa dang / bcom ldan 'das kyi zhabs la mgo bos phyag 'tshal te/ thal mo sbyar nas spyan sngar 'khod pa dang / de bzhin gshegs pa
182a₄ des de dag la tshul khrims la gnas pa de nyid dang / chos 'phags pa la sbyor ba de nyid las brtsams te/ ci nas kyang de dag thams cad bla na med pa yang dag par rdzogs pa'i byang chub las phyir mi ldog par 'gyur ba de lta bur chos bstan to/ /rnam par 'phrul
182a₅ pa'i rgyal po de'i tshe de'i dus na dge slong rdo rje'i lte ba zhes bya ba de gzhan zhig yin pa snyam na khyod kyis de ltar mi blta'o/ /de ci'i phyir zhe na/ rnam par 'phrul pa'i rgyal po khyod nyid de'i tshe de'i dus na dge slong rdo rje'i lte ba zhes bya bar gyur to/ /byang chub sems dpa' sa 'dzin
182a₆ ni de'i tshe de'i dus na bdud rnam par gnon pa zhes bya bar gyur te/ rnam par 'phrul pa'i rgyal po 'di ni byang chub sems dpa' rnams kyi tshul khrims kyi rnam par 'phrul pa ste/ rnam par 'phrul pa de la brten nas smon lam gyi bye brag bsam gyis mi khyab pa rnams byang chub sems
182a₇ dpa' rnams la ston cing sems can tshad med pa rnams kyang byang chub tu yongs su smin par byed/ bdud phyir rgol ba rnams kyang bcom nas myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ rnam par 'phrul pa'i rgyal po

_{iiif viewer powered by OpenSeadragon}

181b - 182b

Texts on this page