rKTs

e-texts navigator

Volume

Page

181a₁ bo'i tshul khrims yang dag par blangs pa 'dis chos thams cad 'gag pa med pa dang / skye ba med par bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /smras pa/ byang chub mngon par rdzogs par byang chub
181a₂ pa gang / smras pa/ gzugs mnyam pa nyid du mngon par rdzogs par byang chub pa ni byang chub mngon par rdzogs par byang chub pa'o/ /tshor ba dang / 'du shes dang / 'du byed rnams dang / rnam par shes pa mnyam pa nyid du mngon par rdzogs par byang chub pa ni
181a₃ byang chub mngon par rdzogs par byang chub pa'o/ /bdud rnam par gnon pas smras pa/ dge slong byang chub gang du btsal bar bya/ byang chub sems dpa' rdo rje lte bas smras pa/ grogs po byang chub ni 'jig tshogs la lta ba'i ngo bo nyid las btsal bar bya'o/ /smras pa/
181a₄ ji ltar btsal bar bya/ smras pa/ ci nas kyang byang chub dang byang chub tu lta ba kun nas mi ldan pa de ltar btsal bar bya'o/ /de nas bdud rnam par gnon pas dge slong rdo rje'i lte ba la 'di skad ces smras so/ /dge slong khyod kyi ston pa su yin/ sus rjes su bstan pas
181a₅ khyod kyi spobs pa 'di lta bur 'gyur/ smras pa/ grogs po gang 'jig tshogs ma gshigs par byang chub thob pa de ni kho bo'i ston pa'o/ /gang nyon mongs pa dang rnam par byang ba la mi gnas pa de ni kho bo'i ston pa'o/ /gang 'dus byas dang 'dus ma byas la rnam par
181a₆ shes pa mi gnas pa ni kho bo'i ston pa'o/ /gang gzhan las ma mnyan par blang ba med pa'i chu bo mi gnas pa rgal ba de ni kho bo'i ston pa'o/ /gang chos thams cad la rnam par shes pa mi 'jug cing chos rnams la shes pa mi 'pho ba de ni kho bo'i ston pa'o/ /gang
181a₇ sgra thams cad la 'jug pa nye bar bsgrub cing brjod du med pa'i chos nyid las kyang mi g.yo ba de ni kho bo'i ston pa'o/ /gang chos thams cad mi skye ba dang skye ba thams cad mi 'byung bar bya ba'i phyir chos kyi 'khor lo bskor ba de ni kho bo'i ston pa'o/ /gang tshu rol dang / pha

_{iiif viewer powered by OpenSeadragon}

180b - 181b

Texts on this page