| e-texts navigator |
| བོད་ཡིག |
179a1 bdag chos 'phags pa 'di la sbyor ba na tshul khrims kyi phung po dang / tshul bzhin du sbyor ba shin tu yongs su dag pa lta na bden pa dang bden pa'i tshig des bdud rnams dang / bdud kyi 'khor rnams kyi ral gri dang / mda' gzhu dang / mdung thung dang / mda' bo
179a2 che la sogs pa ji snyed lag na thogs pa 'di dag me tog ud pa la dang / pad ma dang / ku mu da dang / pad ma dkar po dang / tsam pa ka dang / sna ma'i me tog dang / bar shi ka dang / mkhan pa'i phreng ba rnams su gyur cig /bdud rnams dang / bdud kyi ris kyi lha
179a3 rnams kyi bdag gi gzugs dang / lus dang / kha dog dang / smon lam ci 'dra de 'dra ba kho nar gyur cig ces smras te/ rnam par 'phrul pa'i rgyal po byang chub sems dpa' rdo rje'i lte bas tshig de skad smras ma thag tu bdud rnams dang / bdud kyi 'khor de rnams kyi ral gri dang mda'
179a4 gzhu dang / mdung thung dang mda' bo che la sogs pa lag na thogs pa ji snyed yod pa me tog kha dog sna tshogs pa'i phreng ba bsung zhim pa/ yid du 'ong ba/ blta na sdug pa/ de snyed gnas par gyur to/ /bdud de rnams kyang dge slong gi gzugs de lta bu nyid du gyur te/ de dag
179a5 thams cad rab tu byung ba'i khongs su gtogs shing gos ngur smrig bgos la skra dang kha spu bregs par snang bar gyur to/ /rnam par 'phrul pa'i rgyal po de nas bdud rnam par gnon pas dge slong de'i cho 'phrul rgya chen po mthong nas ngo mtshar du gyur te/ g.yog 'khor dang bcas par dge slong de'i
179a6 rkang pa la gtugs nas 'di skad ces smras so/ /dge slong khyod kyis chos gang dag thob par khyod la 'di lta bu'i byin gyi rlabs yod par gyur/ de skad ces smras pa dang / rnam par 'phrul pa'i rgyal po dge slong rdo rje'i lte bas bdud rnam par gnon pa la 'di skad ces smras so/ /grogs po byin
179a7 gyi rlabs 'di ni rnyed pa las gyur pa ma yin gyi chos thams cad dmigs su med pa las byin gyi rlabs 'di yod par gyur to/ /grogs po byin gyi rlabs 'di ni rnyed pa las ma gyur gyi chos thams cad ma rnyed pa las byin gyi rlabs 'di yod par gyur to/ /grogs po byin gyi rlabs 'di ni lus dang /
iiif viewer powered by OpenSeadragon
Texts on this page
D167 - 'phags pa rnam par 'phrul ba'i rgyal pos zhus pa zhes bya ba theg pa chen po'i mdo